Emilio González Legaspi
Parece ser que hai crise económica, parece ser que o ladrillo esfarelou, parece ser que xa non se venden pisos, parece ser que xa non poden subir os prezos das vivendas en progresión xeométrica, parece ser que os bancos xa non prestan desinteresadamente, parece ser que bancos e construtores xa non gañan cartos a moreas… e por iso hai crise. Hai crise porque o que non chora non mama e como sempre maman os mesmos, fanse os miñaxoias para provocar a compaixón de todos e non lles privemos de seguir enchendo as alforxas de beneficios. Cando as vacas eran gordas, quedaron con todo o millo. Non repartiron as ganancias, senón que aproveitaron para incrementalas exponencialmente. A burbulla inmobiliaria non xurdiu de súpeto. Foi inflada interesadamente por construtores, bancos, goberno e a cobiza de todos, como sucede nas festas de aldea diante o posto dos trileiros. Fixéronse máis pisos que demanda real existe, pero necesitábanse para a especulación. Subiron os prezos continuamente e en porcentaxes progresivos de mes en mes ate acadar valores inalcanzables para uns salarios conxelados. Na ambición non se acordaron da máxima do mercado que di: “se quen compra perde capacidade adquisitiva non se poderá vender o que se produce, as transaccións diminuirán e o sistema de mercado necesitará axustes”. Isto máis ou menos, que eu non son economista, pero é lóxica que calquera familia responsable entende e sofre diariamente. Os bancos promoveron o mercado con créditos baratos e sen ningún tipo de aval fiable, agora teñen medo á morosidade. Os cartos negros axudaron no incremento dos prezos e da especulación sen ningún tipo de control institucional… E todos pensamos que isto era eterno. Agora o espertar dun soño tan bonito e ver a realidade núa, provoca angustia, iso si, a uns máis que a outros.
Agora os responsables da situación están chorando todos os días para que o goberno acuda na súa axuda cos cartos de todos, pero as ganancias dos tempos bos están gardadas para darnos con elas nos fociños e riren de nós a gargalladas. E se algunha divinidade non o remedia aqueles que se empufaron para comprar un piso, aqueles que lles custa chegar a fin de mes, aqueles que son escravos dos bancos baixo o látego de xuros, comisións e ameaza de embargo, aqueles inocentes que apostaron na timba de poker profesional serán, coma sempre, os paganos… que a corda rompe sempre polo máis frouxo.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
