Según asegurou o responsable de Industria, Comercio e Turismo do Concello de Burela, José González Legazpi, o PP “perdeu unha grande oportunidade de terse enterado, interesado e mesmo plantexado propostas ou alternativas na recente reunión da Comisión de Diversificación e Potenciación dos Sectores Socieconómicos do Foro 21. Un acto no que non estivo presente ningún membro do PP a pesares de seren tan defensores dos intereses de Burela”.
José González Legazpi afirma que o portavoz do PP, José María González Barcia ten “afán polo interés mediático e a descalificación persoal que alimenta o seu egocentrismo” e que Burela “se atopa hoxe nunha situación expansiva en materia de turismo e de mellora que nunca antes tivo”.
Nota de prensa
O CONCELLEIRO DE TURISMO DI QUE BURELA SE ATOPA NUNHA SITUACIÓN EXPANSIVA E DE MELLORA QUE NUNCA ANTES TIVO.
Burela, 23 de maio de 2008. O concelleiro delegado de Industria, Comercio e Turismo, José González Legazpi asegura que Burela <se atopa hoxe nunha situación expansiva en materia de turismo e de mellora que nunca antes tivo>. Así sae ao paso das información verquidas nas últimas horas polo voceiro popular José Mª González Barcia.
Legazpi considera que <o Sr. Barcia, no seu afán polo interés mediático e a descalificación persoal que alimenta o seu egocentrismo, perdeu unha grande oportunidade de terse enterado, interesado e mesmo plantexado propostas ou alternativas na recente reunión da Comisión de Diversificación e Potenciación dos Sectores Socieconómicos do Foro 21. Un acto no que non estivo presente ningún membro do PP a pesares de seren tan defensores dos intereses de Burela>. O concelleiro de Turismo engade que <alí se plasmaron as condicións de operatividade óptima actual do barco museo, do punto de turismo e outros que se atopaban en certo estado de abandono ou descuido por parte do anterior goberno do PP. Tamén se analizou a participación turística nos distintos certames e a elaboración de folletos informativos, xa que algúns dos que nos atopamos no Concello estaban sen actualizar desde hai máis de doce anos. E se informou do traballo que se está a realizar para a elaboración de novo material promocional, información turística, participación en certames……>.
José González Legazpi di que <non resulta extraño dado o seu afán fabulador que o Sr.Barcia siga nesa pugna inexistente polo enfrontamento entre as distintas delegacións do goberno municipal e que só evidencian o seu descoñecemento ou desinformación no relativo aos acordos e regulamentos correspondentes que determinan claramente as áreas de actuación, atopándose perfectamente establecida a súa funcionalidade>.
O edil nacionalista cre que <en definitiva nada novo aporta o PP de Burela nin o seu voceiro, salvo a traslación dos infundados cantos de sirea de sempre, que seguramente lles imposibilita lembrar que antes foron goberno, e logo tempo tiveron para transformar os folletos anticuados en novidosos ou deixar xa creado un stand axeitado aos tempos>. González Legazpi engade que <todo isto de renovación de materiais promocionais xunto con outros proxectos se está a acometer agora no senso como digo de que Burela avance de maneira decisiva no ámbito do turismo non só na diversidade e especialización da oferta, senón tamén para dala a coñecer, e na súa dotación de medios, por tratarse dun campo altamente competitivo, téndose xa materializado a consecución dun folleto novidoso que se atopa esgotado pola súa grande demanda, encontrándose de novo en impresión e participado na primeira Guía Turística da Mariña Lucense>.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
