O Concello de Alfoz aprobou onte o orzamento para o exercicio 2008 por un total de 1,5 millóns de uros. Segundo o voceiro do BNG redúcense os investimentos en obras e servizos.
Nota de prensa
Alfoz, 13 de xuño de 2008. O BNG de Alfoz votou en contra da aprobación dos orzamentos de Alfoz para 2008 que ascenden a 1,5 millóns de euros. O voceiro nacionalista, Iván Marrube, considera que <o equipo de goberno do PP deixa claro con esta aprobación a súa incapacidade para xestionar con éxito e bós resultados o Concello. Igual que o ano anterior a maior parte do presuposto vai destinado a gastos de persoal, bens correntes e servizos cifrándose en máis dos dous terzos do orzamento>.
Marrube destaca que <se reducen as inversións de xeito considerable con respecto a ano 2007, xa que baixan ata a metade. Con moi mal pé comenza o actual alcalde nos seus primeiros presupostos xa que parece que o único que subiu foi o seu soldo xa que o incrementou nun 3%, mentras que o salario dos funcionarios tan só subiu un 2%. É moi criticable a xestión que están a facer desde o Concello. Agora temos un alcalde que nos custa a todos os veciños 41.000 euros ao ano, redúcennos as inversións e desde o equipo de goberno recoñecen a súa incapacidade xa que din que os presupostos demostran a realidade da súa xestión>. O voceiro do BNG di que a inversión máis grande prevista nos orzamentos é a dunha praza que se vai construir fronte ó Concello e que custarán 101.080 euros <o que levará a endebedar as arcas municipais en 20.000 euros>. Iván Marrube engade que <nos últimos anos o PP de Alfoz só fixo inversións en parques, áreas recreativas ou prazas. Como xa dixemos noutras ocasións esas partidas están moi limitadas no Concello e condicionadas ás subvencións, e ademáis o actual equipo de goberno amósanos a súa incapacidade tanto para conseguilas e xestionalas como para ver as necesidades dos veciños que obtemos o triste resultado da súa mala xestión>.
Finalmente Marrube engade que <consideramos lamentable ver un equipo de goberno que recoñece que eso é o único que pode facer e sin embargo lle sae tan caro aos veciños. Temos un alcalde que se sube o soldo, de entrada abusivo, por enriba da media dos funcionarios do propio Concello e que se adica a traballar ainda menos que o anterior rexedor>.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
