O parque raíña Sofía de de San Cibrao abre sin que conte con toda a dotación e sin acto inaugural, que se pospón. “Esperamos que todo poda estar rematado na vindeira semana. Daquela temos previsto realizar un pequeno acto inaugural” asegurou o alcalde de Cervo Alfonso Villares.
O remate do parque concluirá ao longo da vindeira semana, cando cheguen as papeleiras. Alfonso Villares achacou o retraso no remate do parque á incorporación de melloras non contempladas no proxecto, a folga do transporte, a decisións de carácter técnico e a inclemencias meteorolóxicas.
Nota de prensa
Os bancos chegaron pola mañá e os operarios colocarannos ao longo da xornada
O PARQUE RAÍÑA SOFÍA ABRIRASE AO PÚBLICO DENDE HOXE Á NOITE
Cervo, 27 de xuño de 2008.- O alcalde de Cervo, Alfonso Villares, confirmou que que os operarios da empresa encargada das obras de remodelación do parque Raíña Sofía retirarán hoxe pola noite as vaias que circundan esta zona verde de San Cibrao; unha vez rematen de colocar os bancos que agardaban para poder abrir ao público esta zona de lecer.
Segundo indicou o alcalde, ademais da retirada das vaias tamén se porá en funcionamento a nova iluminación do parque e puntualizou que o remate final do parque concluirá ao longo da vindeira semana, cando cheguen as papeleiras. “Esperamos que todo poda estar rematado na vindeira semana. Daquela temos previsto realizar un pequeno acto inaugural” adiantou Villares.
O alcalde recoñeceu que o Concello leva esperando pola chegada do mobiliario urbano destinado ao parque dende o 10 de xuño, “pero a folga de transportes obrigounos a aprazar a súa apertura”. Unha vez desconvocada a folga, a empresa encargada das obras aseguroulle ao Concello que o mobiliario estaría aquí ao longo desta semana. “O certo é que a saturación do transporte, e o elevado número de pedidos pendentes, fai que a recepción deste mobiliario se estea a alongar no tempo máis do que nos gustaría; por iso temos decidido retirar as vaias, e que os veciños podan utilizar esta zona verde xa remozada aínda que falten por chegar as papeleiras” indicou o alcalde.
O primeiro edil cervense lembrou que a apertura do parque tamén se ten alongado no tempo por mor de decisións de carácter técnico. “As choivas torrenciais dos últimos meses obrigounos a ter que plantar o céspede de novo e repoñer algunhas plantas. Por consello da dirección técnica da obra e tamén da empresa encargada do axardinamento decidimos esperar a abrir o parque ata que tanto o céspede coma as plantas estiveran ben enraizadas” sinalou.
Por último, Villares subliñou que outro motivo do atraso nos traballos de remodelación do parque Raíña Sofía foi debido á incorporación de melloras que non formaban parte do proxecto inicial e á reparación dunha serie de estragos detectados no transcurso das obras. “En todo caso, é digno de salientar que tanto as melloras, como o escrupuloso deseño dos traballos de remodelación non supuxeron un incremento no custe final desta actuación, polo que os veciños de Cervo teñen a garantía de que, a pesar das considerables melloras non terán que dedicar para as mesmas ni un só céntimo dos seus petos” asegurou.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
