O alcalde Alfonso Fuente recolleu na Coruña as oito bandeiras azuis coas que este ano foron galardoados os areais do municipio
- 31 positivos máis por Covid na provincia nas últimas 24h.
Son arestora 2.212. Destes 3 están na UCI do Hula. 41 en hospitalización, 30 no Hula, 2 no Hospital de Monforte e 9 no da Mariña - Aerofit en Cervo
Unha vintena de rapacxs participou este xoves nunha clase de Aerofit nocturna ao aire libre que se desenvolveu na Praza do Souto, impartida pola monitora Belinda Canoura, dentro da programación das Noites Alternativas de Verán, que continuarán durante todo o mes de agosto. A próxima cita será o luns, 2 de agosto, coa actuación do Mago Deimi na Praza dos Campos, ás 21:30 horas. Durante todo o mes están previstas diferentes actuacións musicais, cine na rúa, teatro, rutas nocturnas de kaiak ou rutas de sendeirismo. - Adiadas as xornadas de tapeo previstas para esta fin de semana no Valadouro
O termo municipal do Valadouro sobe ao nivel medio de restricións, por tanto debido os novos aforos na hostalería e á situación epidemiolóxica quedan aprazadas as xornadas de tapeo de carne de poldor previstas para esta fin de semana. En canto a situación mellore programarase unha nova data para poder celebralas. - Educación vial para xs nenxs participantes no Ludiverán de Alfoz
Durante esta semana xs nenxs participantes no Programa Ludiverán - Xogando en Igualdade que se está a desenvolver no Concello de Alfoz coñeceron de primeira man, a través dunha formadora de Educación Vial da Dirección Xeral de Tráfico de Lugo, as normas básicas de circulación que deben ter en conta tanto cando son peóns como cando empregan as súas bicicletas, patinetes, skates, etc. E sobre todo a empregalos con responsabilidade e coas medidas de seguridade necesarias, principalmente o casco. Ademais tamén aprenderon a importancia de empregar chaleco reflectante en determinadas circunstancias para evitar posibles atropelos. - Cancelado o 'Open Verano Kía Breogán Car' de pádel
A situación do covid na comarca obriga a suspender esta cita que estaba datada para celebrarse entre o 2 e 8 de agosto. - Inchables en San Cibrao
Os rapaces que partipan no programa Concilia e tamén aqueles que se quixeron achegar ata o peirao, desfrutaron este mércores dunha divertida actividade con inchables. - Teatro infantil este domingo en Lourenzá
A Praza do Conde Santo acollerá este domingo, día 1 de agosto, ás 19:30 horas o espectáculo teatral infantil titulado Cancións de animais para nenos case normais. Para asistir hai que anotarse no teléfono 982.12.10.06. O prazo remata este venres, 30 de xullo.
Esta actividade forma parte do circuíto de teatro profesional Aparte, organizado pola área de Cultura da Vicepresidencia da Deputación.
2021 Crónica 3 A Mariña - Implementado por GaliciaDigital