BARREIROS. O BNG de Barreiros critica o retardo co que se aprobarán de novo os orzamentos que sempre se levaban a pleno, segundo explica Antonio Veiga, no mes de decembro do ano en curso. O edil nacionalista di que “en marzo recibimos un primeiro borrador e nós pensábamos que se someterían a debate e aprobación os presupostos de 2008 no mes de abril, pero en xuño presentáronnos outro borrador que non tiña nada que ver co anterior. Pero é que aínda hai máis sorpresas, xa que a quen lle corresponde elaborar eses orzamentos e o informe económico financeiro que xustifica esas contas que é o alcalde pois resulta que non o fai e pide que se encargue desa tarefa secretaría-intervención. Chama a atención que o alcalde curse esta petición por escrito e obtén resposta tamén por escrito na que se asegura que ese departamento non se pode encargar dese traballo porque ten que fiscalizar dito informe económico financeiro”.
Relacións laborais
A Antonio Veiga tamén lle chama a atención que “o grupo de goberno solicitase asesoramento a un gabinete xurídico externo ao Concello cando ten ese asesoramento a través da secretaría. No BNG non sabemos que pasa no Concello de Barreiros, non sabemos cales son as relacións entre a alcaldía e secretaría-intervención. Nós do que si estamos seguros porque levamos moitos anos dicíndoo é que non hai vontade de sacar adiante as contas con claridade e tempo e o que advertimos é prepotencia que sempre leva aparellada ineficacia por parte da alcaldía e da concellaría de economía e facenda. Por certo que para tan curta viaxe non facían falla unhas alforxas tan grandes”. Veiga Outeiro asegura que se lles vendeu aos veciños de Barreiros que <o concelleiro de economía ía ser o salvador das arcas municipais e creo que se está enfangando e metendo ao Concello nun follón sen saída, porque as contas volven estar sen elaborar a estas alturas do ano. Hai convocada unha comisión informativa para o 18 de agosto e toda a documentación que analizar parte dela aínda non a recibimos para poder elaborar o correspondente informe dos orzamentos”.
Interventor
O voceiro do BNG en Barreiros pídelle ao alcalde que “se poñas as pilas e cree a praza de interventor no Concello. Nós xa o dixemos hai dous anos cando o Consello de Contas fiscalizou as contas de Barreiros. A lei establece que poden contar con esa praza aqueles concellos que teñan máis de tres millóns de euros de orzamento ou máis de cinco mil habitantes, e as contas de Barreiros superarán os tres millóns de euros. No BNG pensamos que esa praza podería compartirse con outro Concello da zona coma Lourenzá ou Trabada”.
Antonio Veiga engade que “o que nos estraña é que o Concello sexa tan reacio á creación desta praza, pero claro todo o que sexa unha oposición libre onde poida participar todo o mundo iso non lles gusta aos do PP. O que lles gusta é que todo o persoal sexa contratado o dedo para que faga o que quere o alcalde. Eso non o pode facer coa praza de secretaría-intervención actual porque parece que é a única persoa que lles di ao alcalde e ao concelleiro de economía como teñen que facer as cousas”
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
