Casa do concello de Burela
BURELA .- As familias de Burela que teñan “fillos e fillas en idades comprendidas entre 0 e 16 anos censados aquí” contarán con unha liña de axuda das concellarías de Benestar Social e de Comercio do concello de Burela que “este ano subímolo a 40 euros”, explicou portavoz do BNG e tenente de alcalde, Neves Cando, quen indicou que os veciños interesados poden solicitar as axudas “a partires do mesmo día 8 de setembro e ata o 20 de outubro” no rexistro do concello.
Nota de Prensa
O CONCELLO DE BURELA CONCEDERÁ AXUDAS ÁS FAMILIAS PARA AFRONTAR A VOLTA AO COLEXIO. A CONTÍA SOBE ESTE ANO ATA OS 40 EUROS POR FILLO.
Burela, 26 de agosto de 2008. O Concello de Burela concederá axudas ás familias para afrontar a volta ao colexio agora no mes de setembro. Segundo explica Neves Cando, teniente de alcalde, <desde as Concellarías de Benestar Social e de Comercio estamos traballando para sacar por segundo ano consecutivo unhas bases para conceder axudas ás familias do noso concello para as compras do comenzo do curso escolar e para que estas compras, evidentemente, se realicen nos comercios da nosa vila. Para iso imos establecer unha liña de axudas para as familias de Burela que teñan os seus fillos e fillas en idades comprendidas entre 0 e 16 anos censados aquí>.
A edil nacionalista engade que <a finalidade é facer o menos custoso posible para as familias a incorporación dos seus fillas e fillas ás clases neste novo curso escolar que está a piques de comenzar e tamén primar que esas compras derivadas disto se realicen en comercios de Burela. Polo tanto, por realizar as compras de material escolar, material deportivo, roupa ou calzado nos comercios de Burela no período que abrangue dende o día 8 de setembro ata o 15 de outubro deste ano 2008, a cada familia que presente no Concello a correspondente solicitude e unha factura por cada fillo ou filla superior a 40 euros o Concello de Burela reembolsaralle 40 euros. O ano pasado foran 35 euros e este ano subímolo a 40 euros>. Neves Cando conta que <a partires do mesmo día 8 de setembro e ata o 20 de outubro estará aberto o prazo para presentar esta solicitude de axudas no rexistro do Concello>.
Campaña satisfactoria para as familias
O ano pasado concedéronse 949 axudas de 35 euros. A concelleira de Benestar Social e teniente de alcalde asegura que <case o 75 por cento das familias que cumplían os requisitos a solicitaron, o que supuxo unha axuda de máis de 33.000 euros para as familias de Burela e representou (porque evidentemente as compras foron superiores a eses 35 euros) polo menos o triple desa cantidade, que quedou aquí, nos comercios de Burela, e non marchou fóra. Os resultados do ano pasado así como o grao de satisfacción dos comerciantes e das familias, que nos recoñecían que por primeira vez se realizaba dende o Concello unha campaña verdadeiramente pensada para eles nos animaron este ano outraz vez a emprender esta iniciativa que agardamos que teña o mesmo ou maior grado de satisfacción para todos: para as familias, para os comerciantes e para todo o pobo de Burela>.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
