XOVE .- A agrupación xuvenil do Partido Popular na Mariña lucense, Novas Xeracións, organiza un obradoiro de comunicación en Xove, na sala de informática da Oficina Municipal de Información Xuvenil, o sábado a partir das 17 horas. A actividade está dirixida aos seus afiliados e simpatizantes. O secretario xeral do PP de Lugo, José Manuel Balseiro, e a senadora Mariña Gueimunde intervirán nesta actividade organizada en colaboración coa agrupación xuvenil de Xove.
Nota de Prensa
A actividade, que terá lugar mañá sábado 20 de setembro en Xove, está dirixida aos afiliad@s e simpatizantes desta organización xuvenil do Partido Popular
NOVAS XERACIÓNS DA MARIÑA ORGANIZA UN OBRADOIRO DE COMUNICACIÓN
o O emprego das novas tecnoloxías como ferramenta imprescindible para achegarse aos máis novos e transmisión duns consellos prácticos para enfrontarse á redación de novas escritas e falar nos medios xornalisticos serán o obxectivo básico do taller
o O secretario xeral do PP de Lugo, José Manuel Balseiro, e a senadora Mariña Gueimunde intervirán nesta actividade organizada en colaboración coa agrupación xuvenil de Xove
Xove, 19 de setembro de 2008.- A agrupación xuvenil do Partido Popular na Mariña lucense, Novas Xeracións, ten previsto realizar en Xove un obradoiro de comunicación dirixido aos seus afiliados e simpatizantes. A cita terá lugar mañá sábado a partir das 17 horas na sala de informática da Oficina Municipal de Información Xuvenil deste municipio mariñán.
O acto, organizado en colaboración e a proposta dos membros desta formación política de Xove, está dirixido aos mozos e mozas afiliados e simpatizantes de toda A Mariña e inclúe un variado programa estruturado en tres bloques.
O taller ten por obxecto fomentar o emprego das novas tecnoloxías como ferramenta básica para a comunicación da sociedade do século XXI, de xeito especial, entre os máis novos. O mundo de Internet, red de redes, constitúe xa non só un espazo para a obtención da información, senón tamén para a transmisión e achegamento das inquedanzas que afectan á xuventude. En segundo lugar, varios profesionais coñecedores do mundo xornalístico, ofrecerán unha serie de consellos prácticos para mellorar a forma e estrutura na que os membros de Novas Xeracións realizan as súas mensaxes políticas. Buscan ofrecer unhas instrucions sinxelas coas que todos seremos capaces de comunicar as nosas ideas e proxectos dunha maneira máis efectiva e profesional. Finalmente, haberá unha cea, á que están convidados os participantes neste encontro.
Esta actividade estará dirixida polo presidente provincial de Novas Xeracións Antonio Basanta Fernández, e polo dirixente local desta formación xuvenil Rodrigo Salgueiro. Ademáis, está prevista a presenza do secretario xeral desta formación poítica en Lugo e deputado autonómico, José Manuel Balseiro Orol e da senadora Mariña Gueimunde.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
