BURELA .- O rexedor de Burela, Alfredo Llano, reuniuse en Santiago co director de Augas de Galicia e co alcalde de Cervo para tratar sobre as obras de abastecemento de auga a Cervo e Burela. O Alcalde de Burela indicou que “agardamos que esas obras sigan marchando a bó ritmo e que para o ano que ven en agosto ou en setembro poidan estar rematadas”.
Na xuntanza estivo presente a vicepresidenta da Deputación de Lugo.
Nota de Prensa
ALFREDO LLANO AGARDA QUE AS OBRAS DO ABASTECEMENTO DE AUGA A CERVO E A BURELA ESTEAN REMATADAS EN SETEMBRO DO VINDEIRO ANO.
Burela, 4 de setembro de 2008. O rexedor de Burela, Alfredo Llano, amósase satisfeito dos acordos acadados no encontro que mantivo esta mañá en Santiago co director de Augas de Galicia e co alcalde de Cervo. Unha xuntanza na que tamén participou a vicepresidenta da Deputación, Lara Méndez. Llano destaca que <os incrementos económicos que están a xenerar as obras do abastecemento de auga a Cervo e Burela serán asumidos por Augas de Galicia. Foi un dos asuntos que abordamos xunto cunha serie de cuestións técnicas sobre a posible ubicación das ETAP de Rúa e A Senra. Xa se decidiu o lugar no que se ubicarán e tamén que as obras darán comenzo en Rúa>.
O rexedor de Burela engade que <tamén falamos das melloras tecnolóxicas das ETAP que pensamos que suporán unha notable mellora na calidade do abastecemento da auga de Cervo e de Burela. Agora seguiremos a falar destes e doutros asuntos na vindeira xuntanza do Consorcio de Augas que foi fixada para o día 18 de setembro en Cervo>.
Alfredo Llano asegura que <a xuntanza de hoxe foi moi satisfactoria para todos e agardamos que esas obras sigan marchando a bó ritmo e que para o ano que ven en agosto ou en setembro poidan estar rematadas>.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
