CERVO .- Alfonso Villares comunica aos medios que no DOG de hoxe publícase un “anuncio polo que se somete a información pública a anulación do Plan de ordenación das áreas empresariais de Galicia e, entre elas, o proxecto de construción dun polígono nos concellos de Cervo e Xove”. Afirma que “neste documento insístese na versión empregada ata o momento para desistir da tramitación destes novos parques industriais, isto é que o polígono Cervo-Xove non se axeita aos obxectivos e criterios dunhas actuación racionais e de auténtica ordenación territorial. Non podemos senón rexeitar esta afirmación. O polígono industrial do cinto de Alcoa constitúe un proxecto estratéxico viable e capaz de servir de pulo ao desenvolvemento do conxunto da Mariña lucense. Non podemos renunciar ao asentamento de novas empresas e a oportunidade de crear novos postos de traballo”. Critica tamén a postura do BNG sinalando que “sen entrar a cuestionar o valor das palabras empregadas polos nacionalistas na prensa, nas que anuncian que non teñen pensado desistir da posta en marcha deste polígono supramunicipal, o certo é que a vontade dun Goberno se materializa no DOGA. O Executivo autonómico, a Xunta fala e decide a través do Diario Oficial e este hoxe insiste en darnos unha mala nova”.
O Alcalde de Cervo afirma que a Xunta pretende anular o polígono industrial de Cervo-Xove
Relacionado
-
A Xunta mobiliza 19 M€ en actuacións para mellorar os sistemas de abastecemento, dos que máis da metade son para financiar proxectos na provincia de Lugo
-
O PP reclama que a Deputación lle esixa ao Goberno do estado a reforma consensuada do Estatuto Marco sanitario “para resolver o conflito e evitar máis paros médicos”
-
A Xunta fortalece o diálogo coas confrarías para afrontar os retos do sector pesqueiro
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
