BURELA .- O comité local do PP de Burela, discrepa de afrimación feitas polo parlamentario do PSOE, Ismael Rego e o parlamentario do BNG, Manuel Parga, ós que culpan de estar “enganando ós cidadáns e porque nada fixo a Xunta de Galicia por Burela nestes tres anos, agás demorar obras e proxectos que xa estaban en marcha, e empeorar os servizos que se prestan no hospital ou na casa da terceira idade”. A nota do PP xurde a raíz das “declaracións feitas este fin de semana polos parlamentarios”.
Nota de Prensa
NOTA DE PRENSA DO PARTIDO POPULAR DE BURELA
O PP de Burela considera que Rego é “o enredador oficial socialista e nunca fixo nada por Burela”.
Os populares afirman que Parga minte con respecto á casa da Terceira Idade de Burela.
Aseguran que os socialistas están fundindo o hospital.
O PP de Burela saiu hoxe ó paso das declaracións feitas este fin de semana polos parlamentarios Ismael Rego e Manuel Parga, porque consideran que están engañando ós cidadáns e porque nada fixo a Xunta de Galicia por Burela nestes tres anos, agás demorar obras e proxectos que xa estaban en marcha, e empeorar os servicios que se prestan no hospital ou na casa da Terceira Idade.
O PP considera que Rego nunha fixo nada por Burela, a non ser enredar, algo que se lle dá realmente ben. Os populares aseguran que nin Rego nin o PSOE fixeron nada polos proxectos do Porto, que quedaron en boa medida feitos e estaban deseñados no Plano Director do Porto de Burela redactado a principios de 2005. Paralizaron a adxudicación do acceso ó porto dous anos e outros tantos as obras de mellora de abastecemento da auga; obras que agora, por certo, acumulan considerable retraso. Empeoraron as listas de espera, pero, eso sí, amplían o hospital con barracóns e as probas de cardio hai que realizalas na Coruña.
Para os populares, decir que o corredor San Cibrao-Ferrol será unha realidade en breve sona a chiste e a bulra ós cidadáns, como sona a chiste e a bulra decir que o Plano de Reequlibrio Territorial de Galicia dinamizará a zona, porque en tres anos non foron capaces a sacar adiante nin unha cousa nin a outra.
O peor de todo é que os socialistas están fundindo o hospital co considerable incremento das listas de espera e os desplazamentos forzados de enfermos a outros centros hospitalarios.
Os populares tamén consideran que Manuel Parga, parlamentario do BNG, minte cando dí que a residencia da Terceira Idade de Burela está adaptada a non válidos. A realidade é tozuda, e demostra que os internos terán menos comodidades, que os ascensores non son aptos para camiñas, que só hai servicios xeriátricos en dúas plantas, e que a chapuza que se fixo foi e é motivo de critica por parte dos internos e dos propios traballadores do centro, críticas que se fixeron públicas.
Por eso resulta curioso que Parga fale de electoralismo, cando o seu partido usa ós maiores para sacar réditos políticos: fan o que antes criticaban, festas para os maiores, xantares, etc., o que demostra o pouco rubor que teñen estes señores á hora de desdecirse. Pero o que é peor é que anuncian axudas para os depedentes e a estas alturas, dous anos despois, non teñen que decir, porque nada fixeron. A estas alturas, as mulleres maltratadas teñen que agardar seis e sete meses para cobrar as axudas de vicepresidencia. A estas alturas, as mulleres maltratatas tardan nove meses en entrar como preferentes nas listas de emprego da Xunta.
O propio BNG, precisamente, é quen xoga alegremente coas penurias das persoas, creando falsas expectativas e anunciando actuacións que logo deixa a medias ou non é capaz de facer. A rede de residencias de maiores e de centros de día está hoxe, tres anos despois de propaganda e autobombo, en pañais.
Ademais, os populares acusan ós dous partidos de darlle as costas á comarca, especialmente a Burela, xa que non poñen ningún tipo de remedio á crise que está a atravesar o sector pesqueiro; o PP entende que coa súa forma de actuar estase condenando ó sector máis dinámico da comarca á súa paralización.
Finalmente, o PP pídelles a PSOE e BNG que deixen de facer propaganda e se adiquen a traballar, porque se algo fixeron, que nos digan que proxecto fixeron eles para Burela que non estivera redactado ou programado antes da súa chegada ó goberno da Xunta.
O Comité Local do PP de Burela.
En Burela, a quince de Setembro de dous mil oito.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
