MADRID.- O BNG remite unha nota dende o Congreso de Madrid na que asegura que “a Comisión de Fomento do Congreso dos Deputados aprobou este mediodía e por unanimidade, a proposición non de lei do BNG que insta ao Goberno a realizar as negociacións oportunas coa empresa multinacional Alcoa para abrir ao tráfico comercial xeral o porto de San Cibrao”.
NOTA D EPRENSA
O CONGRESO APROBA A PROPOSICIÓN DO BNG QUE INSTA AO GOBERNO A INICIAR NEGOCIACIÓNS CON ALCOA PARA ABRIR AO TRÁFICO COMERCIAL XERAL O PORTO DE SAN CIBRAO
Jorquera puxo de manifesto as potencialidades de tráfico comercial existentes na Mariña e a necesidade de abrir o dique norte ao tráfico como elemento dinamizador da comarca
Madrid, 25 Setembro 08. A Comisión de Fomento do Congreso dos Deputados aprobou este mediodía e por unanimidade, a proposición non de lei do BNG que insta ao Goberno a realizar as negociacións oportunas coa empresa multinacional Alcoa para abrir ao tráfico comercial xeral o porto de San Cibrao.
O autor da iniciativa, o parlamentar nacionalista, Francisco Jorquera, aceptou transaccionar un acordo co grupo socialista porque non modificaba a demanda do BNG. Unicamente, éngadese a continuación da proposta do BNG e nun segundo termo, que o “Goberno, nun prazo de seis meses, realice os estudos de viabilidade técnica, xurídica e económica necesarios para avaliar a posibilidade de transformar o actual dique Norte do porto de San Cibrao en peirao para abrilo ao tráfico comercial”.
Demanda unánime
Jorquera lembrou aos membros da Comisión que Alcoa explota este porto en réxime de concesión e que caduca no ano 2023, “pero só usa o dique sur e non o norte que se podería abrir ao tráfico como importante elemento dinamizador económico da comarca de A Mariña”.
Subliñou que a proposición do BNG “se fai eco dunha demanda compartida por organizacións sociais e políticas da comarca. Hai posicións favorábeis da Confederación de Empresarios de Lugo, da Cámara de Comercio de Lugo, pronunciamentos de concellos da zona, e incluso, a aprobación no Parlamento galego dunha proposición neste sentido”.
En A Mariña hai tráfico comercial e rendabilidade
O parlamentar nacionalista puxo de manifesto que na actualidade moitas empresas de A Mariña teñen que realizar operacións de exportacións en portos de fóra da comarca. Puxo exemplos: “nesta comarca é moi importante o sector pesqueiro e de transformación do peixe e moitas empresas de Celeiro, Burela teñen que exportar os seus productos através do porto de A Coruña”. Asemade, engadiu, que existe un relevante sector madereiro e as empresas deste ámbito teñen que recurrir ao porto de Ferrol ou incluso ao de Xixón para as súas actividades. Tamén existe un destacado elenco de empresas da construcción que recurren ao porto de Vigo ou a Marin para a exportación da pizarra.
Jorquera sinalou ao respeito que “é evidente que existen tráficos comerciais que le darían rendabilidade e non sería custoso”. Mencionou estudos da Deputación de Lugo e da mesma Autoridade Portuaria de Ferrol-San Cibrao que sitúa en apenas 9 millóns de euros o investimento a realizar para operativizar o dique norte de San Cibrao. Ademáis, recalcou, “existen posibilidades reais de autofinanciamento do porto de San Cibrao que aporta a metade das cifras de negocio da Autoridade portuaria de Ferrol, unhas ganancias que absorbe na súa maior parte por Portos do Estado quen, á súa vez, inviste moi pouco no porto de San Cibrao.
Resposta ao PP
O deputado do BNG deu resposta á intervención realizada polo deputado do PP, Sr. García Díez, quen cualificou a iniciativa do BNG “de pouco ambiciosa”. Jorquera dixo ao PP que puido traer hoxe a esta Cámara unha iniciativa similar sobre o porto de San Cibrao “pero non o fixo, é unha proposición do BNG a que está a debate”. O parlamentar nacionalista descartou a emenda do PP “por ser pouco realista” xa que sen siquera se iniciar as negociacións pertinentes con Alcoa, os populares pedían que se consignara unha partida nos Orzamentos para o 2009 para habilitar o dique norte do porto. “Primeiro o Goberno terá que negociar coa multinacional Alcoa, un proceso negociador leva o seu tempo”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
