BURELA .- O PP asegura que o “alcalde e o bigoberno burelés, non teñen, de momento, adoptada ninguna medida para afrontar a crise económica que xa temos encima, agás a dos corenta euros que é totalmente insolidaria”. Temén reitera que “esta ausencia de medidas afecta ó propio funcionamento do concello e á colaboración con asociacións, entidades e particulares.
NOTA DE PRENSA GRUPO MUNICIPAL POPULAR DE BURELA
O PP vé “insolidaridade” no alcalde burelés.
Os populares aseguran que non se adoptan medidas para axudar ós bureleses a afrontar a crise económica.
Lembran que o PP xa presentou propostas, rexeitadas polo alcalde.
O GMPP de Burela asegurou hoxe mediante unha nota de prensa que o alcalde e o bigoberno burelés, non teñen, de momento, adoptada ninguna medida para afrontar a crise económica que xa temos encima, agás a dos corenta euros que é totalmente insolidaria. Esta ausencia de medidas afecta ó propio funcionamento do concello e tamén afecta á colaboración que o concello tén pensado establecer coas familias e coas pequeñas e medianas empresas, comerciantes e autónomos máis afectadas pola crise, polo que hai que calificar esta forma de actuar de insolidaria, carente de proxección de futuro, e que demostra total ausencia de traballo e preocupación.
Desde o PP non entendemos, polo tanto, que non se tomen medidas ou alomenos se prevean, e que non se dean a coñecer á cidadanía. Seguro que se nos dirá que xa se están pensando, como de costume, pero o certo é que non hai nada de nada, só despilfarro e ausencia de compromiso no gasto dos cartos de todos.
O GMPP de Burela lembra que leva feitas varias propostas a nivel concello: así, e a nivel de funcionamento interno consideramos que se debe ir a un recorte importante do capítulo de gastos correntes, en varios casos claramente suntuarios e de cara á galería, xunto cunha conxelación dos soldos políticos. No que se refire ás medidas para axudar ós cidadáns, neste senso, cremos que se deben manter, e mesmo incrementar, os esforzos e os fondos destinados a fondos sociais e a fomentar o emprego; así, xa indicamos hai mes e medio que se poden crear dous fondos derivados do control do gasto corrente, de aproximadamente douscentos cincuenta mil euros cada un, para familias necesitadas por un lado, e autónomos, comerciantes e pemes por outro; e non hai moito tempo, propuxemos medidas fiscais, coma a baixada da contribución, e mesmo bonificación para familias numerosas ou con dous ou máis membros xubilados. Ademais destas medidas, o PP tamén propuxo a conxelación dos impostos para o ano 2009, e mesmo a bonificación da contribución e das licencias de obra e de apertura para autónomos, comerciantes e pequenas e medianas empresas.
Igualmente, o PP considera que se pode crear un fondo de axuda ós alugueres para aquelas persoas ou parellas de xoves nas que os dous se atopen nestes momentos sen traballo.
Todas estas propostas foron rexeitadas polo alcalde e pola tenente de alcalde, pero sen dar ninguna alternativa a cambio, agás a dos corenta euros, que nos parece inxusta, porque son cartos de todos que se reparten igual para ricos que para pobres; se o esforzo social do concello se vai quedar en repartir corenta mil euros a partes iguais entre ricos e pobres, a verdade é que nin traballan nin se esforzan en pensar solucións en positivo. Co que temos que concluir que temos unha tenente de alcalde máis preocupada pola súa imaxe, e temos un alcalde que non as pensa, e o peor é que non fai nada, non tira nin para adiante nin para atrais, cando neste momento é cando se deben anunciar medidas, ainda que non nos sorprende, porque o alcalde dixo no último pleno que esto da crise non era tal, que se estaba dándolle moito bombo; con estas premisas, para que queremos este alcalde?
Con todo, o PP volverá de novo a reiterar as súas propostas porque entende que a cidadanía debe ter claro quen está por defender ós que máis o precisan e quen está por vaguear e non facer nada agardando a que a crise escampe.
En Burela, a oito de Setembro de dous mil oito.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
