BURELA .- o concelleiro de Obras e Servizos de Burela, Pascual Doménech, achaca ó “descoñecemento” do proceso implantado este ano que o edil do PP, Luis Pedre, afirmase que Burela incumpre “unha das condicións de Bandeira Azul” e aclara que “ata o momento todas as praias de Burela resultaron aptas para o baño”. Doménech explica que “se produciu un cambio na metodoloxía de comunicación do resultado da análise das augas das praias” e desmente a Luis Pedre afirmando que “non hai modelo oficial, nin se tira por terra o traballo feito, nin se limita a información aos usuarios, nin, ao seu pesar, as praias reúnen equipamentos de primeira calidade de momento”. O concelleiro socialista pídelle a Luis Pedre “que fuxa dese tímido victimismo e que denuncie o que crea oportuno no momento oportuno”.
Nota de Prensa
O CONCELLEIRO DE OBRAS E SERVIZOS ASEGURA NAS OITO ANALÍTICAS REALIZADAS ATA O MOMENTO TODAS AS PRAIAS DE BURELA RESULTARON APTAS PARA O BAÑO. PASCUAL DOMÉNECH CRITICA O FEÍSMO CREADO POLO PP NOS AREAIS.
Burela, 17 de setembro de 2008. O concelleiro de Obras e Servizos de Burela, Pascual Doménech, asegura que nas oito analíticas realizadas ata o momento todas as praias de Burela resultaron aptas para o baño. Así resposta ás acusacións realizadas nas últimas horas desde o grupo municipal do PP. Doménech Gruñeiro considera que as declaracións de Luis Pedre <non fan máis que confirmar o descoñecemento que ten a oposición do proceso implantado este ano, xa que se produciu un cambio na metodoloxía de comunicación do resultado da análise das augas das praias. Non hai modelo oficial, nin se tira por terra o traballo feito, nin se limita a información aos usuarios, nin, ao seu pesar, as praias reúnen equipamentos de primeira calidade de momento. E, sobre todo, prégolle que fuxa dese tímido victimismo e que denuncie o que crea oportuno no momento oportuno>.
O edil socialista engade que <no mes de xullo esta Delegación de Obras e Servizos cursou á Delegación Provincial de Sanidade solicitude de envío de informe relativo á comunicación quincenal dos resultados das inspeccións das zonas de baño de Burela, xa que non se estaban a recibir, co fin de dispor de documentación que acreditara a calidade das augas das zonas de baño marítimas do Concello. A tal efecto, a Delegación Provincial de Sanidade comunica ao Concello que actualmente dita información non se está a remitir dado que a Dirección Xeral de Saúde Pública está a facer pública a cualificación da calidade microbiolóxica das augas das zonas de baño de Galicia na súa páxina web (www.sergas.es/). Coñecedor de dita confirmación, o Concello elaborou as súas tablas de información que están a disposición dos cidadáns, resaltando que nas oito analíticas realizadas ata o momento, todas as praias de Burela resultaron aptas para o baño>.
Pascual Doménch dilles aos membros do PP no Concello <en relación á manida recurrencia de que todo estaba feito, respostarlle que este concelleiro, en perfecta colaboración con outras concellerías implicadas (Medio Ambiente e Turismo) sí que está a traballar para dotar ás nosas praias de elementos e instalacións de primeira calidade, e poder desterrar o feísmo estético e incomodidade que supón ter os locais de salvamento e de servizos en casetas de obra. Non será necesario recordarlle que xa este ano se dotaron todas as praias de duchas modernas pero sobre todo funcionais, así como con nova cartelería acorde co modelo que aconsella a ADEAC, eliminando os carteis mastodónticos que campaban polas nosas praias ata o ano pasado. Como tampouco será necesario recordarlle o outorgamento do distintivo bandeira azul 2008 á praia de Ril, e a revalidación de dito distintivo na praia do Portelo e na praia da Marosa. Seguiremos traballando por este camiño para solventar posibles erros, defectos de funcionamento ou líneas de traballo herdados de anos anteriores>.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
