CERVO .- A concelleira de Deportes de Cervo, Yolanda Pedreira, e o responsable de prensa do Club Balonmán Viveiro, Angel Albo, presentaron en Cervo o primeiro campionato de balonmán concello de cervo. Yolanda Pedreira recordou que en Cervo o balonmán “tivo moitos seguidores hai uns anos, pero dun tempo a esta parte sufriu un certo retroceso”. Angel Albo Albo animou ó veciños de A Mariña a asistir ao torneo “onde vamos gozar duns partidos moi interesantes”
Nota de Prensa
C.B. LUGO, C.B. ÁRTABRO – UNIVERSIDADE DA CORUÑA E C.B. VIVEIRO – FISHING WORK ENFRONTARANSE O VINDEIRO SÁBADO NO PRIMEIRO CAMPIONATO DE BALONMÁN CONCELLO DE CERVO
Cervo, 02 de setembro de 2008.- Hoxe a mediodía tivo lugar a presentación do primeiro torneo de balonmán ‘Concello de Cervo’ organizado polo Club Balonmán Viveiro – Fishing Work e no que colabora a delegación de Deportes do Concello de Cervo.
O torneo será baixo a modalidade de triangular e terá lugar o vindeiro sábado, 6 de agosto, no pavillón municipal da Veiga (San Ciprián) a partires das cinco da tarde; e a entrada será gratuíta. Os equipos participantes son o Club Balonmán Lugo (1ª Autonómica); C.B. Ártabro – Universidade da Coruña (1ª Autonómica) e o Club Balomnán Viveiro – Fishing Work (2ª Autonómica).
No acto de presentación -no cal asistiron a Yolanda Pedreira, concelleira de Deportes de Cervo, e Angel Albo, xefe de prensa do Clube Balonmán Viveiro- a responsable da área de Deportes cervense salientou a importancia deste tipo de eventos que axudan a potenciar a práctica do balonmán entre os cidadáns do concello, “o cal tivo moitos seguidores hai uns anos, pero dun tempo a esta parte sufriu un certo retroceso”. Así mesmo, Pedreira sinalou que a delegación de Deportes do Concello de Cervo colaborará con clubes, asociacións e entidades de cara ao fomento da práctica deportiva entre tódolos cervenses “e especialmente entre os máis pequenos”.
Pola súa parte o representante do Clube Balonmán Viveiro – Fishing Work, Miguel Albo, explicou o orde de partidos deste triangular e destacou o nivel dos tres equipos participantes. Albo tamén animou a todo o público a asistir ao torneo “onde a bo seguro vamos ter a posibilidade de gozar duns partidos moi interesantes” sinalou.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
