CERVO.- Un camión-grúa procedente de Portugal retirou este mediodía unha das dúas formigoneiras lusas que foron abandonadas na vila de San Ciprián despois de que a empresa propietaria dos dous vehículos se vise sumida nun proceso concursal.
Os responsables municipais cervenses sinalaron que foi precisamente este proceso concursal o que provocou o embargo das dúas formigoneiras e os posteriores problemas para para proceder á súa retirada. Lembraron tamén que o pasado mes de maio o Concello recibiu unha comunicación da Sección Única do Tribunal do Traballo de Viana do Castelo (Portugal) na cal lle informaban da autorización do traslado destes dous vehículos aos acredores da empresa propietaria das formigoneiras; pero non foi ata hoxe cando ditos acredores executaron esta autorización.
O Concello de Cervo leva máis dun ano facendo xestións de cara á retirada dos dous camións abandonados, pero o proceso alongouse máis do esperado debido aos trámites burocráticos propios da liquidación da empresa propietaria dos dous camións. Os representantes municipais recordaron que as pretensións do BNG de que fora o Concello quen asumira o custe desta retirada suporía un gasto de máis de 6.000 euros. Cantidade de moi difícil cobro, debido precisamente, ao proceso de liquidación da empresa propietaria das formigoneiras no momento da solicitude nacionalista.
Para os responsables cervenses, o BNG local “chegou tarde de xeito reiterado” coas súas iniciativas vencelladas a estas dúas formigoneiras. “Chegaron tarde pedindo a súa retirada cando nós xa levaramos case un ano en negociacións cos propietarios e acredores para quitar os camións; e por riba pretendían que o Concello asumise uns gastos que dificilmente podería recuperar” sinalaron.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
A programación presentouse na Delegación Territorial de Lugo, nun acto no que participaron o delegado territorial, Alfonso Villares; o alcalde, Francisco Balado; e representantes da entidade organizadora. Villares lembrou que a asociación recuperou o ano pasado a tradicional celebración do Corpus Christi na parroquia e destacou o seu labor impulsando actividades que fortalecen a convivencia. A xornada comezará ás 13:00 horas coa misa e a sesión vermú, continuará ás 15:00 co xantar popular e incluirá sorteos, animación musical, unha cea a base de petiscos e verbena.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
