BURELA.- O PP remite unha nota de prensa na que indica que “apoia o céspede artificial na Marosa porque as subvención solicitounas o goberno de González Barcia”. Tamén aproveitan para criticar a política deportiva do concello cualificándoa de “errática e discriminatoria”. Considerar que “a xestión desta obra está marcada polos intereses políticos do BNG, xa que este asunto ía estar resolto hai xa uns meses, pero demórase porque as eleccións autonómicas están á porta”
NOTA DE PRENSA GRUPO MUNICIPAL POPULAR DE BURELA
O PP apoia o céspede artificial na Marosa porque a subvención solicitouna o goberno de González Barcia.
Os populares consideran que nin PSOE nin BNG fixeron nada en materia de deportes.
Afirman que a política deportiva é errática e discriminatoria.
O GMPP de Burela manifestou hoxe mediante unha nota de prensa que o céspede artificial no campo de terra da Marosa é unha boa obra, e polo tanto apoian a sinatura do convenio coa Xunta, que arrancou cunha petición de subvención formulada polo equipo de goberno de González Barcia en abril de 2007.
Os populares consideran que esta actuación vai beneficiar a práctica do deporte, pero tamén lembran que nin o PSOE nin o BNG teñen demostrado nada en materia de deporte, e polo tanto teñen moito camino por andar; as actuacións do PP están aí, dúas ampliacións do pavillón Vista Alegre, o pavillón dos institutos, pistas de tenis na Marosa, rego e rexeneracion do céspede da Marosa, son froito de xestións do PP. O PSOE e o BNG o único que fixeron foi utilizar políticamente algún clubes, para sacar rédito político, e nada máis.
Para os populares, a xestión desta obra está marcada polos intereses políticos do BNG, xa que este asunto ía estar resolto hai xa uns meses, pero demórase porque as eleccions autonómicas están á porta. Ademais, cabe preguntarse onde está a aportación da Deputación. Polo tanto, retraso programado e ausencia de colaboración. O que demostra a pouca fiabilidade do bigoberno burelés, especialmente do BNG, neste campo.
Tanto é así, que agora se vé que a política de deportes é errática, cando a certos colectivos non se lles tén en conta á hora de fixar horarios nos pavillóns municipais, nun intento de control absoluto da practica deportiva para sacar ventaxa política, deixando fóra de horario ou con horario mermado colectivos e actividades que tiñan implantación en Burela.
Ademais, a distribución horaria que se fai das actividades non tén en conta a todos os colectivos,asociacions e anpas, polo que se pode calificar como de dictatorial, o que demostra ben ás claras o talante e a forma de ser de Neves Cando: imposición e intolerancia.
O GMPP de Burela.
En Burela, a vintecino de Setembro de dous mil oito.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
