SAN CIBRAO .- Dous técnicos de Augas de Galicia estiveron visitando a vila de San Ciprián antes de iniciar os traballos de redacción do novo proxecto de saneamento para esta localidade. Antes de desprazarse ata San Ciprián, os funcionarios de Augas de Galicia mantiveron unha entrevista na Casa do Concello có alcalde de Cervo, Alfonso Villares, có concelleiro de Medio Ambiente, Antonio Basanta; e con técnicos municipais
Nota de Prensa
Cervo 18 de setembro de 2008.- Dous técnicos de Augas de Galicia, organismo dependente da Consellería de Medio Ambiente, estiveron visitando a vila de San Ciprián antes de iniciar os traballos de redacción do novo proxecto de saneamento para esta localidade.
Antes de desprazarse ata San Ciprián, os funcionarios de Augas de Galicia mantiveron unha entrevista na Casa do Concello có alcalde de Cervo, Alfonso Villares, có concelleiro de Medio Ambiente, Antonio Basanta; e con técnicos municipais.
Segundo Villares, a xuntanza serviu para poñer en coñecemento dos encargados da elaboración do novo proxecto “aspectos e detalles que creemos son de interese cara a conseguir unha infraestrutura que garanta un servizo de calidade” sinalou o alcalde.
Unha vez finalizada a xuntanza, políticos e técnicos desprazáronse ata San Ciprián para ver “in situ” distintos puntos de interese, coma a zona do polígono de Cuíña -onde o Concello solicitou que se situara a Estación Depuradora de Augas Residuais (EDAR)- ou os puntos de posible construción da estación de bombeo necesaria para conducir as augas residuais ata a EDAR.
O primeiro edil cervense valorou positivamente a visita dos representantes de Augas de Galicia e confiou en que dende este organismo “se poñan mans á obra canto antes” para conseguir cumprir os prazos comprometidos o pasado día 9 polo director xeral de Augas de Galicia, José Luís Romero Valeiras, quen lle asegurou que as obras sairían a licitación no vindeiro mes de marzo.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
