CERVO .- Atopase a exposición pública a solicitude de autorización administrativa e o proxecto de execución para facer unha “planta satélite de gas natural licuado para a subministración na rede de distribución de gas natural do Concello de Cervo” según informa o BNG de Cervo.
A planta terá unha capacidade de gasificación de 1.500 metros cúbicos por hora e, según indican os nacionalistas, conta cun orzamento de 274 mil euros estará. Irá ubicada nunha pacela do polígono industrial de Cuíña e ten carácter provisional .
O nacionalistas de Cervo aseguran que “as empresas instaladas no polígono veranse beneficiadas polo Plano de Gasificación de Galiza desenvolto pola Consellería de Innovación e Industria para dotar de gas natural licuado a polígonos industriais do país considerados prioritarios”.
Nota de Prensa
A CONSELLERIA DE INNOVACION E INDUSTRIA SEGUE DANDO PASOS PARA ADIANTAR A CHEGADA DE GAS NATURAL LICUADO AO CONCELLO DE CERVO.
A Dirección Xeral de Industria Enerxía e Minas remitiu ao concello resolución pola que se somete a exposición publica autorización administrativa e proxecto da Planta satélite de gas natural licuado do Concello de Cervo.
A Consellería de Innovación e Industria dirixida polo nacionalista Fernando Blanco, segue a dar pasos adiante para facer chegar ao Concello de Cervo a subministración do gas licuado.
Segundo resolución da Dirección Xeral de Industria, Enerxía e Minas de data 8 de outubro que foi comunicada ao concello de Cervo o 13 de outubro, sometese a información publica polo prazo de 20 días a solicitude de autorización administrativa e o proxecto de execución para a “Planta Satélite de Gas Natural Licuado” para a subministración na rede de distribución de gas natural do Concello de Cervo a petición de Gas Galicia SDG, S.A, empresa que conta coa autorización administrativa para rede de distribución de gas natural no concello de Cervo e pretende adiantar o servizo mediante unha planta de almacenaxe provisional en tanto non estea disponibel a definitiva, para o que presentou un novo proxecto que debe someterse a información publica.
CARACTERISTICAS DA PLANTA SATELITE E UBICACION
Esta planta provisional que pretende adiantar a subministración de gas natural ao concello conta cun orzamento de 274.034,02 euros e estará situada segundo o proxecto na parcela S-1 do Polígono Industrial de Cuíña, cunha capacidade xeométrica de almacenamento de 60 m3 e unha capacidade de gasificación de 1.500 m3 hora, entre outras características. Os interesados poderán revisar as características do proxecto unha vez publicado o anuncio, nas oficinas da Dirección Xeral de Industria ou na Delegación Provincial da Consellería de Innovación e Industria de Lugo.
AS APOSTAS DAS CONSELLERIAS NACIONALISTAS DE INDUSTRIA E VIVENDA POLO POLIGONO INDUSTRIAL DE CUIÑA SON EVIDENTES.
Ao marxe deste proxecto para o que Gas Galicia SDG xa ten aprobada autorización administrativa para a rede de distribución cun investimento de 316.758,66 euros, a Consellería de Innovación e Industria aportou mediante convenio asinado co concello 24.712 euros para melloras dotacionais no polígono ademais da rede de internet sen fíos. No caso da Consellería de Vivenda e Solo xa se puxo a disposición dos interesados a fase C do polígono cunha superficie e 176.900 m2 e cun investimento de 1.2 millóns de euros e neste momento executa obras para equipamentos dotacionais e zonas verdes que proximamente serán entregadas ao
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
