Nota de Prensa
O BNG REXEITA UNHA INICIATIVA DO PP SOBRE O HOSPITAL DA COSTA PORQUE “NON OFRECE SOLUCIÓNS, SÓ TENTA CONFUNDIR AOS VECIÑOS”
A deputada Cristina Ferreiro afirma que os populares recurren a “medias verdades” para falar dun problema “puntual que xa está arranxado”
Santiago de Compostela, 30 Outubro 08.- A portavoz de Sanidade do grupo parlamentar do BNG, Cristina Ferreiro, vén de rexeitar na Comisión de Sanidade da Cámara Galega unha proposición non de lei do PP sobre as listas de espera no Hospital da Costa de Burela porque non ofrece solucións e tan só amosa o seu afán de protagonismo e de confundir aos veciños e veciñas que saben discernir por si mesmos”.
A deputada nacionalista afirmou que o portavoz popular recurre “a medias verdades sobre a situación do sistema público de saúde” e lembrou que “a existencia de tempos de espera non supón que non se preste atención urxente aos que a precisan”.
Para alén disto, a portavoz de Sanidade acusou ao PP de manipular as cifras e lembrou, pola contra, que a lista de espera do Hospital da Costa a 30 de setembro deste ano reducíuse en 29 días con respecto ás da mesma data do ano pasado, tanto en consultas externas como en atención cirúrxica.
Ferreiro apuntou que o problema do que falan os deputados da oposición foi “un problema puntual que se dá en todos os centros polas baixas e vacacións dos traballadores/as que poden provocar unha merma dos recursos humans e fan que se resintan os tempos de espera”, mais apuntou que esta situación xa está arranxada.
Malia todo, a parlamentar nacionalista quixo reiterar a aposta do BNG por reducir as listas de espera con medidas como a potenciación da dedicación exclusiva, xa que isto suporía un incremento da actividade asistencial, ao tempo que apostou pola hospitalización a domicilio ou a cirurxía ambulatoria como medidas complementarias para paliar o que é “a primeira queixa dos usuarios e usuarias do servizo galego de saúde”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
