RIBADEO .- Persoal do centro de investigacións mariñas(CIMA)de Ribadeo participou en Venezuela nun taller que tiña como temática principal é xestión e o aproveitamento de orizos de mar en Iberoamérica. Esta iniciativa forma parte do segundo “Foro Iberoamericano de los Recursos Marinos y de la Acuicultura” que se celebrou en Cumaná, Venezuela, organizado pola Universidad de Oriente.
Nota de Prensa
Pesca participa no `II Foro Iberoamericano de los Recursos Marinos y de la Acuicultura` que se celebra en Cumaná, Venezuela
A este seminario, organizado pola Universidad de Oriente, asiste a directora xeral de Innovación e Desenvolvemento Pesqueiro, Fátima Linares Cuerpo, que participará nunha mesa de traballo sobre cooperación internacional
O director do Centro de Investigacións Mariñas (CIMA), Alejandro Guerra Díaz, así como representantes do Igafa e investigadores do CIMA de Ribadeo, participan tamén nos minicursos e talleres que se imparten en paralelo co Foro
Cumaná (Venezuela), 5 de novembro de 2008.- A Consellería de Pesca e Asuntos Marítimos participa ao longo desta semana en Cumaná, Venezuela, no II Foro Iberoamericano de los Recursos Marinos y de la Acuicultura que organiza a Universidad de Oriente con motivo do seu 50 aniversario. A directora xeral de Innovación e Desenvolvemento Pesqueiro, Fátima Linares Cuerpo, asiste a este encontro e participará nunha das mesas de traballo que ten como temática principal a cooperación internacional, onde se poderán establecer as oportunidades de intercambio entre os países iberoamericanos e institucións como a Xunta de Galicia ou a FAO. Así mesmo, o director do Centro de Investigacións Mariñas (CIMA), Alejandro Guerra Díaz, foi o encargado de impartir un dos minicursos que se están a celebrar en paralelo con este Foro. Máis en concreto, foi un dos intervintes no minicurso sobre “O cultivo de moluscos bivalvos: Unha acuicultura sen penso”.
Amais disto, unha representación de persoal docente do Instituto Galego de Formación en Acuicultura (Igafa), dependente da Consellería de Pesca e situado na Illa de Arousa, participará na segunda edición deste Foro impartindo unha conferencia que leva por título “Formación en Acuicultura: A experiencia do Igafa no sector produtivo” e un minicurso sobre a produción de cría de moluscos en minihatcheries. Tamén, investigadores do CIMA de Ribadeo formarán parte dos profesionais que desenvolvan o taller sobre a xestión e o aproveitamento de erizos de mar en Iberoamérica.
A Consellería de Pesca e Asuntos Marítimos tamén estará presente en Cumaná non só a través dos seus representantes senón tamén por medio dun stand situado no recinto onde se celebra o encontro. Nel, daranse a coñecer a profesionais, investigadores, docentes e estudantes universitarios as actividades de investigación e os proxectos e iniciativas que leva a cabo a Administración pesqueira galega, así como a oferta formativa do Igafa e do resto de escolas pertencentes a este departamento da Xunta de Galicia.
Este seminario, que segue o modelo do Foro dos Recursos Mariños e da Acuicultura das Rías Galegas que se realiza dende hai 11 anos no Grove, con motivo da Festa do Marisco, e en cuxa última edición tomou parte activa a Universidad de Oriente (Venezuela), créase para analizar o estado dos recursos vivos mariños, o seu grao de explotación, a sustentabilidade, o coñecemento e perspectivas do seu aproveitamento nos diferentes países iberoamericanos, co fin de promover de forma ordeada e eficiente a explotación pesqueira e a produción acuícola. No seu marco, búscase propiciar o debate e a análise do estado dos recursos naturais do mar e da acuicultura en Iberoamérica e, máis concretamente, en Venezuela.
Programa do encontro
Deste xeito, no II Foro Iberoamericano de los Recursos Marinos y de la Acuicultura desenvolveranse diversas actividades para o debate e a reflexión, comezando cunha conferencia inaugural sobre a seguridade alimentaria global e a diminución da pobreza a través da acuicultura. Ao longo dos catro días de encontro, tamén se celebrarán diversas conferencias maxistrais de ámbito global e iberoamericano sobre o estado e análise das pesqueirías e a actividade acuícola.
Neste sentido, entre o programa preparado para este encontro destacan conferencias que versan sobre moi diversos temas: o cambio climático, o manexo de pesqueirías artesanais de invertebrados en América Latina, o cultivo de microalgas para a produción de biodiésel ou a acuicultura de moluscos en Iberoamérica. Ademais, desenvolveranse mesas de traballo que tratarán sobre os recursos pesqueiros de Venezuela, a acuicultura neste país latinoamericano e a cooperación internacional en Iberoamérica.
En paralelo á celebración do Foro e vencellados a súa temática, impártense varios minicursos que teñen por obxectivo produndizar sobre o cultivo de peixes no Caribe, a artemia na acuicultura, as tendencias globais no desenvolvemento da acuicultura, o cultivo de moluscos sen penso, o cultivo en sistemas pechados, a ecoeficiencia no emprego de nitrógeno e fósforo na actividade acuícola, a cría de moluscos en minihatcheries, a xestión e o desenvolvemento sustentable do litoral de zonas costeiras, así como o cultivo de polbos, entre outros. Así mesmo, o encontro promove un taller, que se desenvolve ao longo desta xornada e no que participan investigadores do CIMA de Ribadeo, que ten como temática principal a xestión e o aproveitamento de erizos de mar en Iberoamérica.
Entre os convidados galegos a participar no II Foro Iberoamericano de los Recursos Marinos y de la Acuicultura en Cumaná, ademais da directora xeral de Innovación e Desenvolvemento Pesqueiro da Consellería de Pesca, o director do CIMA, os técnicos do CIMA de Ribadeo e a delegación do Igafa, atópanse representantes da Universidade de Santiago de Compostela, así como dalgunha empresa adicada á produción acuícola na nosa comunidade. Ademais, participan responsables da Organización de las Naciones Unidas para la Agricultura y la Alimentación (FAO), da Agencia Española de Cooperación Internacional al Desarrollo (Aecid), ou do Instituto Oceanográfico das Illas Canarias, e representantes de diversas universidades de países de fala hispana como Uruguay ou Chile, entre outros.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
