BARREIROS .- O voceiro do BNG en Barreiros, Antonio Veiga pensa que “a iniciativa do noso grupo apoiada polos outros partidos da oposición para crear unha comisión de seguimento sobre as obras da autovía do Cantábrico parece ser que tivo efecto porque se falou máis estes días dos problemas da autovía que en todos os meses anteriores. Nalgúns casos é complexo e é tarde para actuar”. A Veiga parécelle “curioso que o luns o coche de Protección Civil con persoal do Concello percorrese o tramo de autovía inaugurado a semana pasada para ver cales eran as deficiencias que presenta. Si eso se tivese feito meses antes e a pé de obra estaría moito mellor e poderíanse atallar os problemas moito antes. Os problemas non se solucionan mandando escritos a Fomento, haberá que negociar directamente cos seus responsables e haberá que falar tamén cos responsables das empresas, pero o Concello de Barreiros actúa sempre coa política dos feitos consumados”.
Resposta social
O concelleiro nacionalista di que “somos optimistas sobre a solución destes problemas, porque socialmente sí que hai resposta a este asunto. Os veciños de xeito individual e colectivo, como fixo unha asociación en días pasados facendo un seguimento do tramo das obras da autovía entre San Cosme e Vilamar, están a actuar. Somos optimistas porque haberá unha resposta social forte ao que consideramos que é un atropelo e que ocorre sempre cando se fan grandes infraestruturas porque se ignora á xente dos pobos e das parroquias. Iso aquí non vai ocorrer pola resposta social que está habendo”.
Rede viaria abandonada
Antonio Veiga engade que “tamén coincidimos co que nos din estes días os veciños, porque non é só culpa da infraestrutura, non é só culpa da autovía, de Fomento ou das empresas… o Concello de Barreiros ten moita responsabilidade porque o impacto de todas esas augas de escorrentía que baixaron estes días sería moito menor si a rede viaria local estivera en bo estado, si as cunetas estiveran ben se atenuarían moitos os estragos ocasionados. Desde o BNG vimos denunciando desde hai anos que a rede viaria local está abandonada, a limpeza das cunetas brilla pola súa ausencia, incluso cando se procede á súa limpeza ás veces o que fan é actuar moito máis nos desaugues ao non recoller os roces feitos”.
Brigada de obras
O voceiro nacionalista sinala que “a brigada de obras está infrautilizada e non está ben organizada, incluso o propio concelleiro de Obras (con adicación exclusiva) nós cremos que se ve impotente para organizar toda esa brigada municipal e botamos en falla a creación dun parque de maquinaria axeitado ás necesidades de Barreiros e non nos valen as desculpas de que non temos cartos ou que a Xunta e a Deputación non nos dan. Miren señores, no ano 2006 o Concello de Barreiros ingresou 2 millóns de euros por licencias de obras, cansámonos de repetilo, e non vemos beneficio por ningún lado, e para un concello rural coma o de Barreiros hai que estar enriba do mantemento da rede viaria que é por onde circulan os veciños todos os días e tela en bó estado para evitar o que ocorreu estes días pasados de choiva”. Antonio Veiga explica que “eso si, non se fixo nada con dous millóns de euros, ben traíanse grandes actuacións alí na beira de praia. Ese era o modelo de xestión de Alfonso Fuente e desde logo que non foi nada previsor porque se tiraron foguetes… isto ía ser a panacea e agora a crise imos afrontala a pelo, dado que eses cartos foron dilapidados polo goberno municipal do PP”.
O edil do BNG agarda que “no pleno do luns sexa unánime a creación da comisión de seguimento sobre as obras da autovía, na que estean representados os grupos políticos e as asociacións veciñais para falar coas empresas construtoras e para que o paso desta autovía non deixe inconvenientes e estragos aos veciños”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
