NOTA DE PRENSA:
SOBRE O PLENO ORDINARIO CELEBRADO NO CONCELLO DE CERVO O 27 DE NOVEMBRO DE 2008 AS 18.00hrs.
O PP aprobou en solitario a suba do 4,5% de 13 ordenanzas fiscais e presentou unha modificación de créditos por 495.464,68 € coa abstención do BNG.
Cervo, 28 de novembro de 2008. No pleno celebrado na tarde de onte en Cervo, o goberno municipal levaba como puntos mais destacados no orde do dia, o punto terceiro cunha modificación de créditos para facer fronte a gastos pendentes por importe de 495.464,68 € e nos puntos cuarto e quinto a modificación de 12 ordenanzas fiscais ás que se lles aplica unha suba do 4,5% e do mesmo xeito a suba da ordenanza que regula a taxa polo servizo das Escolas Deportivas Municipais (EDM) á que tamén se lle aplica o 4,5%. Ademais no punto sexto aprobouse o recoñecemento das obrigas derivadas da modificación de créditos establecida no punto terceiro por 495.464,68 € e unha moción do PP relativa ao 25 de novembro “Día Internacional contra a violencia machista”
O BNG abstívose na modificación de créditos cun voto crítico pero responsábel, xa que a pesar da necesidade da modificación para facer fronte a pagos de provedores de materiais e servizos, este trámite responde á falla de traballo e incapacidade do goberno municipal ao non elaborar os orzamentos 2008 e manterse durante todo o ano coa prórroga de 2007, ano no que se elaboraron en época de vacas gordas, cunha situación financeira moito mellor na que o PP nin soubo nin quixo aproveitar as circunstancias económicas para facer fronte aos gastos que correspondería. O 68% das partidas que cambian de función estaban dedicadas a contratación de persoal laboral eventual, ao tratarse o 2007 de ano electoral no que para o PP primou a contratación clientelar sobre a contención do gasto e a responsabilidade contábel.
PARA O PP VALE AQUELO DE PRIVATIZAR AS GANANCIAS E SOCIALIZAR AS PERDAS
Nas modificacións das ordenanzas fiscais 4,5,7,9,10,17,19,18bis,20,25,29 e 33 aplicouse unha subida do 4,5%, cuestión que o BNG non estivo disposto a apoiar por considerar a suba abusiva cando a última revisión publicada a nivel estatal está no 3,6% e o galego no 3,4% que si apoiariamos. O BNG lembrou, ao igual que no punto anterior, que o goberno municipal actuou no pasado como novo rico ao malgastar os fondos das arcas municipais en época de bonanza e agora faille pagar as consecuencias da mala xestións aos cidadáns.
O caso mais sangrante viuse na suba dun 4,5% da taxa polas Escolas Deportivas Municipais, xa que se lle aplica unha subida a un servizo que nin sequera cumpre a memoria aprobada polo pleno ao non existir un servizo de transporte que formaba parte da memoria que foi esquecido dende o primeiro momento da posta en practica do servizo, neste caso os nacionalistas non apoiariamos ningunha suba.
O PP presentou por primeira vez unha moción co gallo do “Día Internacional contra a violencia machista”. Dende o BNG festexamos a chegada do PP a esta reivindicación xa que até o momento só o BNG presentaba iniciativas e propostas de actuación nos días próximos a esta triste data. Malia esta felicitación, tivemos que lamentar a falla de capacidade política dos populares ao presentar unha parte resolutiva na que se pedían cousas que xa están resoltas ou en vías de resolución; lembrando que até o cambio de goberno na Xunta de Galiza non existiu unha verdadeira preocupación e sensibilidade cara a este grave problema social.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
