BURELA .- Ao alcalde de Burela, Alfredo Llano, parécelle “triste e pouco razoable que o PP votase en contra do convenio colectivo dos traballadores. Un convenio que é unha referencia para aplicar en calquera Concello. Non entendemos porque nos achacan a nós toda a responsabilidade do convenio cando os traballadores estaban representados nas negociacións que vimos mantendo desde hai meses”.
Rexistro
Llano aclara que “os traballadores seguirán a percibir a compensación polo incremento do IPC que veñen cobrando desde hai algúns anos. É algo que non vai reflectido no convenio, pero que analizou a comisión paritaria. Vano percibir coma sempre aínda que non figure na documentación”. O rexedor engade que “despois de analizar a utilización do rexistro municipal nas xornadas de sábado se chegou á conclusión de que non era moi empregado e ademais había que compensar as horas que os funcionarios facían eses días. A cuestión foi abordada na mesa xeral de negociación e alí se decidiu deixar de prestar ese servizo en sábado”.
Alfredo Llano di que “cando falan do anexo 3 do convenio, teño que dicirlles que nos axudaron a redactalo técnicos da Deputación Provincial a Remedios López Villar e a min, pero isto non é ningún secreto. Fixemos unha reforma parcial da RPT atendendo á responsabilidade e á adicación dalgúns traballadores. Non se exclúe a ninguén o único que se fixo foi mellorar algunhas situacións laborais que estaban mal”.
20 minutos para o café
O rexedor burelés sinala que “no convenio colectivo figura perfectamente o horario laboral de todos os traballadores, e paréceme unha interpretación bastante infantil dicir que teñen un tempo mínimo de 20 minutos para tomar o café. Trátase dunha referencia que establece que teñen os 20 minutos asegurados para gozarr dese tempo libre adicado a tomar o café no seu horario laboral. O tempo do café non é indefinido, só se garante que ese período será de 20 minutos”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
