NOTA DE PRENSA:
Reclamarán a Fomento para que corrixa estas deficiencias, a través de varias iniciativas tanto no Parlamento como nas Cortes Xerais
OS POPULARES DENUNCIAN VARIAS DEFICIENCIAS NOS ACCESOS Á AUTOVÍA DO CANTÁBRICO NO TREITO REINANTE-BARREIROS
* Preocupa a perigosidade que entrañan os accesos directos á autovía na zona das Eivas e na estrada procedente de Trabada. Ambos puntos carecen de accesos á rotonda da Espiñeira algo que podería conseguirse ampliando unha vía de servizo contigua.
* En San Miguel de Reinante, a deficiente execución da autovía, fai que as augas procedentes dos montes rematen por chegar ás casas e zonas habitadas.
A Mariña, 04 de novembro de 2008.- O Partido Popular da Mariña
vén de denunciar varias deficiencias nos accesos á autovía do Cantábrico -A8- no treito que transcorre entre as localidades de San Miguel Reinante e Barreiros. Os populares urxen á inmediata corrección destas eivas e, con este obxecto, trasladarán varias iniciativas tanto no Parlamento autonómico como nas Cortes Xerais. A través das mesmas reclamarán a Fomento que poña fin “nun prazo de tempo razonable” ás devanditas deficiencias.
A primeira das denuncias efectuadas desde o Partido Popular comarcal ten por obxecto poñer de relevo a perigosidade que entrañan os accesos á autovía en zonas como As Eivas ou na estrada que chega de Trabada. En ambos os dous casos o acceso realízase de xeito directo porque o proxecto non contemplou a ampliación dunha vía de servizo que uniría estes puntos coa rotonda da Espiñeira. Os populares dubidan da “legalidade” destes accesos directos “No caso da estrada que une Trabada coa autovía, incluso, o acceso directo realízase despois dunha zona en curva”
Por outra banda, o PP ten constancia de que a deficiente execución da autovía, e a falta dunha correcta canalización das augas pluviais, está a provocar que, en días de intensa choiva como os que están a ter lugar nas últimas semanas, auga procedente dos montes rematen por chegar ás casas no núcleo de poboación de San Miguel de Reinante. “En vez de dirixilas ao mar, como resulta habitual neste tipo de infraestruturas situadas no litoral”
PARTIDO POPULAR DA MARIÑA
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
