RIBADEO .- Na comisión informativa de facenda e contas prevista para esta tarde no Concello de Ribadeo verase a modificación das ordenanzas fiscais para 2009. Segundo anuncia, o edil Vicente Castro, “ás taxas váiselles aplicar a actualización do IPC interanual. Entendemos que dada a situación económica do Concello é un exercicio de responsabilidade manter das taxas actualizadas para evitar que ocorra o que pasou en exercicios anteriores cando houbo que facer algunhas subidas drásticas nalgúns servizos”.
Castro engade que “aínda que algunha das taxas e dos servizos que se prestan tiñan que subir por enriba do IPC desde o goberno municipal entendemos que a situación económica actual é difícil e polo tanto decidimos propoñer exclusivamente a actualización do IPC”.
Na comisión de facenda tamén se analizará esta tarde a conta xeral do exercicio de 2007; o regulamento de réxime interior do Hospital Asilo e a ordenanza de aproveitamento especial do dominio público local en favor das empresas explotadoras de servizos de subministros de interese xeral.
Urbanismo e asuntos xerais
Por outra banda, na comisión informativa de urbanismo e obras verase a aprobación definitiva do expediente de expropiación de terreos para o aparcadoiro de Os Castros-Illas na Devesa e a proposta ao pleno do Concello sobre o acceso ao centro urbano de Ribadeo desde a A-8, entre outros temas. E na comisión informativa de asuntos e servizos xerais vaise analizar a homenaxe a Leopoldo Calvo-Sotelo no cabodano do seu pasamento, o acordo de incorporación á asociación Villas Marineras e a adhesión á Carta Europea para a igualdade entre mulleres e homes na vida local segundo a proposta do Consello de Municipios e Rexións de Europa e a FEMP.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
