O Concelleiro de Medio Ambiente de Ribadeo, Horacio Cupeiro informa aos veciños das rúas Ibáñez e Amando Pérez, que na actualidade se atopan en obras, “do traslado dos contenedores para a recollida do lixo que imos ubicar na Praza de Abaixo porque o camión non pode acceder a eses viais. Pedímoslles disculpas polas molestias que lles poidamos ocasionar, pero non temos outra alternativa”.
ÚLTIMA HORA
- Seguen a bo ritmo as obras de ampliación da Ponte de Feve, na estrada da Deputación, e os labores de eliminación de vexetación invasora na ribeira da ría de Ribadeo
- Loureiro participa na clausura das xornadas de pesca de Celeiro
- O presidente da Real Academia Galega recibe a Mesa Coordinadora don Paco
- Por Viveiro pide potenciar o transporte público interurbano
- 25N en Cervo
Este venres celebrouse a Andaina solidaria desde a unidade residencial da asoc. Saúde Mental A Mariña, coa incorporación do alumnado do CEIP de Cervo. Ademais, ante a Casa do Concello, deuse lectura do manifesto a cargo dunha usuaria do centro e de estudantes do CEIP, seguido dun minuto de silencio en recordo de todas as mulleres vítimas desta lacra. Interpretouse o tema "Chea de vida" de Guadi Galego en lingua de signos por parte do alumnado. Pola tarde, a presidenta de Mulleres en Igualdade Provincial Lugo-Cervo, Adelina Fernández, descubriu un banco morado que quedará instalado na Prazoleta da Casa da Cultura, e que ela mesma acondicionou en memoria de todas as mulleres vítimas da violencia machista. - Actividade na Libraría Bahía de Foz
O luns, 28 de novembro, ás 20:30 h, no marco das actividades do club de lectura 'A carón dos libros', contarasde coa presenza da escritora e académica María López Sández coa que se compartirá conversa sobre a súa novela O Faro escuro. Esta é unha actividade aberta e gratuita para todo o público que se queira achegar á libraría. Antes, esa mesma tarde, María estará no IES de Foz conversando co alumnado. - Remata o Mes do Teatro en Alfoz coa actuación de Ollomao
Este sábado 26 de Novembro, ás 20:30 h, na Casa da Cultura, dentro do circuito de teatro afecionado Ciclo “Gargalladas” da Área de Cultura da Deputación Provincial Lugo, terá lugar a representación teatral a Comedia “O documento”, dirixida a todolos públicos. O fío condutor da mesma, é o achádego de Manueliño dunha carta de amor no mandil da súa moza Sabeliña. Desesperado polos ciumes non atopa outra saída que non sexa o suicidio. Para iso buscará mil maneiras de conseguir o seu fin, pero o incesante ir e vir do resto dos personaxes farán que os seus intentos se volvan infrutuosos. - Actividade realizada dende o CEIP Fondo Nois polo 25N
O pasado 13 de setembro, Masha Amini, unha xove iraniana foi golpeada e asasinada a mans da policía, polo simple feito de non levar o velo como marca a lei. A día de hoxe, Ana Baneira, activista galega, está detida pola policía da Moral, en Teherán, ao participar nas manifestacións tras a morte de Masha. Dende o CEIP Fondo Nois amosan o apoio e solidariedade ás mulleres de Irán, na loita e na defensa dos seus dereitos e liberdades e así acabar coa discriminación de xénero. "Hoxe, todas e todos somos Masha e Ana". - A Garda Civil detivo a un veciño de Mondoñedo, de 30 anos de idade, como suposto autor dos delitos de estafa e de falsificación de documento privado
O presunto autor procedeu á venda dun vehículo a un terceiro facéndose pasar polo propietario. A persoa compradora efectúa un pago de 615 euros (500 euros ao detido e 115 euros de xestión), e ao proceder á trasferencia do vehículo, esta non se puido realizar ao non ser o vendedor o titular do turismo. O detido foi posto a disposición xudicial. - O perruqueiro José Rodríguez, que ten barbarías en Ribadeo, Navia e Madrid, impartiu un curso en Miami neste mes e programa dar outros en Colombia e México en breve
Ademais dous membros do seu equipo, María Prieto e Gustavo Fernández, están a participar en certames nacionais de barbaría con bos resultados. - O concurso "Remata novembro tapeando en Mondoñedo!" celebrarase do 25 ao 27
Os locais participantes son Cervecería Abadía, A Bodeguiña, Viñoteca O Petisco, O Palique, O Rincón de Mondoñedo, Bar Amencer e Cafetería Daira.
2021 Crónica 3 A Mariña - Implementado por GaliciaDigital