NOTA DE PRENSA
As emendas dos populares “suman en vez de restan” a diferenza do que veñen facendo PSOE e BNG desde a Xunta, pois reducen progresivamente os investimentos para obras e servizos concretos na nosa comarca
A MARIÑA LUCENSE PASARÍA A RECIBIR 74 M€ PROCEDENTES DE FONDOS AUTONÓMICOS DE PROSPERAR AS EMENDAS QUE HOXE DEFENDE O PPdeG NO PARLAMENTO DE GALICIA
• Os populares emprazan a Ismael Rego -quen criticou as emendas do PPdeG- a que explique as actuacións que ao seu entender deben deixarse de executar das preto de 150 que o PPdeG propón levar adiante no 2009
A Mariña, 16 de decembro de 2008.- Hoxe comeza a sesión plenaria do Parlamento de Galicia que ten por obxecto o debate e posterior aprobación, se procede, das contas autonómicas para 2009. De aprobarse as propostas de gasto formuladas polo PPdeG, a través das súas emendas, a nosa comarca pasaría de recibir máis de 74 millóns de euros para obras ou servizos con destino concreto nos distintos concellos da Mariña. Deste xeito, multiplicaríase a cifra dos 14,9 millóns de euros que na actualidade a Xunta bipartita prevé achegar en fondos autonómicos para o ano próximo.
O PPdeG SUMA EN VEZ DE RESTA
O deputado popular Balseiro Orol clarexa que o que fan as emendas formuladas polo PPdeG e achegar máis cartos para A Mariña e nunca detraer diñeiro ou paralizar investimentos. “Os populares sumamos en vez de restamos, a diferenza do que veñen facendo desde a Xunta bipartita ano tras ano”
De feito, nas pasadas semanas o PPdeG cifrou en 60 millóns de euros a débeda do Goberno bipartito coa Mariña lucense e, sobre esta base, rexistrou preto de 150 emendas aos orzamentos da comunidade autónoma de Galicia para 2009.
RÉPLICA A REGO
Ao mesmo tempo que realizan estas afirmacións, os populares aproveitan para replicar as críticas recibidas polo deputado socialista Ismael Rego que amosou a súa desconformidade coas emendas do PPdeG.
REGO: CARECE DE COMPROMISO COA MARIÑA
Balseiro sinala a Rego como o exemplo máis evidente dun político que carece de compromiso coa súa comarca e entenden que non está lexitimado para falar sobre as previsións de investimento da Xunta de Galicia no ano próximo pois, a día de hoxe, nin ten explicado cales son as partidas específicas ás que o Goberno galego achegará cartos durante o 2009, nin tampouco tivo a valentía de aceptar o debate público ao que, para abordar esta situación, foi emprazado en diversas ocasións.
QUE É O QUE O PSOE QUERE QUE DEIXEMOS DE PEDIR
Os populares van aínda máis lonxe na defensa das súas emendas e reclaman aos socialistas que identifiquen os gastos que a Xunta non debera executar. “¿Quizás deberamos deixar de reclamar a ampliación do hospital, ou dicir non aos máis de 14 millóns de euros que reclamamos para o corredor?. ¿Quizás os socialistas queren rexeitar os máis de dous millóns de euros que demandamos para levar adiante proxectos de vivendas a prezos accesibles, ou para a posta en marcha das vivendas sociais do barrio dos Muiños en Mondoñedo?. ¿Ou pola contra queren que eliminemos, por exemplo, os tres millóns de euros para a recuperación do barrio do Celeiriño anegado pola cobiza urbanística socialista? Que nos expliquen que é o que non queren facer.”
CATRO ANOS DE XUNTA BIPARTITA “E NON TEÑEN FEITO NADA”
Segundo o deputado popular, Balseiro Orol, que os socialistas rexeiten as emendas formuladas polo PPdeG alegando que “o estado administrativo dalgún destes proxectos está na súa fase inicial” é tanto como recoñecer que durante estes catro anos a Xunta bipartita “non ten feito nada”. Precisamente por iso os populares entenden que chegou o momento do cambio e de rexeitar a política daqueles formacións, como son as do bipartito, que esquecen as prioridades da nosa comarca, que deixaron de crer na Mariña lucense.
MÁIS INVESTIMENTO, MÁIS EMPREGO, MÁIS RIQUEZA
Finalmente desde o PPdeG subliñan que aumentar o investimento da Xunta na Mariñá lucense actuará en senso contrario ao que pretenden facer crer os socialistas, isto é, “dinamizando a nosa economía, contribuíndo deste xeito a xerar novas oportunidades de emprego e, con todo isto, favorecendo a superación da actual crise”
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
