NOTA DE PRENSA:
O Grupo Popular leva meses advertindo das carencias deste servizo, mentres que o bipartito fixo caso omiso das denuncias
O BIPARTITO NÉGASE A INCREMENTAR O PERSOAL DOS HELICÓPTEROS DE SALVAMENTO MARÍTIMO, IGNORANDO OS RETRASOS REXISTRADOS NOS ÚLTIMOS NAUFRAXIOS
* O BNG volve amosar a súa faciana máis sectaria e trata de desviar a atención do debate poñendo en cuestión a profesionalidade dos xornalistas dun medio de comunicación
Santiago, 18 de decembro de 2008.- Os deputados do PSOE e do BNG rexeitaron hoxe no Pleno do Parlamento unha proposición non de lei coa que o PPdeG pretendía instar á Xunta a reforzar a tripulación dos helicópteros de salvamento marítimo de titularidade autonómica –con bases en Vigo e Celeiro- para garantir a presenza persoal, de xeito permanente, que garanta a operatividade das aeronaves durante as 24 horas do día.
No debate da iniciativa, o portavoz de Pesca do Grupo Popular, José Manuel Balseiro, cuestionou que, nas datas previas ao afundimento do Rosamar, a Xunta permitise deixar a base de Celeiro sen helicóptero de Salvamento, ao trasladar o Pesca II ao aeroporto coruñés de Alvedro para suplir ao Helimer Galicia, dependente da Sociedade Estatal de Salvamento e Seguridade Marítima.
Deste xeito, a base de Celeiro quedou sen helicóptero mentres que a da Coruña pasou a contar con un de inferior capacidade de resposta, xa que en lugar de dispoñer de persoal na base, como sucede cando o Helimer está operativo, o persoal estaba nun hotel.
Balseiro apuntou que meses despois do naufraxio do Cordero, seguen sen explicarse as neglixencias rexistradas entón, con carencias nos medios aéreos e retrasos na activación dos medios marítimos, tal e como leva denunciando o PPdeG desde entón.
Para os populares galegos, resulta sorprendente que o bipartito dificulte a investigación das neglixencias para mellorar o funcionamento dos medios de salvamento marítimo. De feito, no seu momento, PSOE e BNG rexeitaron, no Parlamento de Galicia, a creación dunha comisión de seguridade marítima na Cámara autonómica e impediron tamén a comparecencia dos patrón dos barcos que participaron no rescate do Cordero e dos representantes do Sepla que advertiron das deficiencias do modelo galego de salvamento marítimo.
Fronte a estas evidencias, no debate desta tarde, PSOE e BNG trataron de desviar a atención, buscando librar de calquera responsabilidade á conselleira de Pesca.
LOBEIRA CUESTIONA A INDEPENDENCIA XORNALÍSTICA
No mesmo debate, o nacionalista Bieito Lobeira volveu amosar a faciana máis sectaria do BNG e tentou de desviar a atención, chegando a poñer en cuestión a profesionalidade dos xornalistas de La Voz de Galicia, aos que acusou de manipular a información. A reflexion xurdiu ao afirmar que Balseiro podería traballar nese medio pola súa capacidade para inventar as informacións e manipular a realidade.
Pola contra, Balseiro insistiu en que o PPdeG cree e defende a liberdade, nun contexto que permita aos medios de comunicación exercer a súa función sen cortapisas nin coaccións.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
