NOTA DE PRENSA
Os integrantes do equipo de Goberno local afirmaron que a estadía de Jacinto Parga é a mostra de que o PsdeG xa deu por iniciada a campaña do 1 de Marzo
A VISITA DO PRESIDENTE DE PORTOS A SAN CIPRIÁN NON TIVO OUTRO OBXECTIVO MÁIS QUE O PURAMENTE ELECTORALISTA
Cervo, 22 de xaneiro de 2009.- Varios membros do equipo de Goberno do Concello de Cervo -entre eles o alcalde Alfonso Villares e o Concelleiro de Educación, Turismo e Medioambiente, Antonio Basanta- estiveron presentes na visita feita polo presidente de Portos de Galicia, Jacinto Parga, ás instalacións do porto pesqueiro da vila de San Ciprián.
Os gobernantes locais aproveitaron a estadía do responsable dos portos de titularidade autonómica no termo municipal cervense para transmitirlle a súa satisfacción polos arranxos feitos recentemente polo organismo que preside no dique da Anxuela (o cal se viu afectado polos temporais sufridos nesta costa a pasada primavera), así coma polas pequenas melloras de seguridade adoptadas por Portos de Galicia dentro do peirao pesqueiro.
Ademais dos agradecementos, os representantes cervenses xunto có resto de representantes do sector pesqueiro local tampouco deixaron pasar a oportunidade para reivindicar unha vez máis diante de Parga unha serie de melloras que o porto precisa “e sen as cales posiblemente estea abocado ao esmorecemento”.
Entre as actuacións demandadas por políticos locais e sector figura a construción dun abrigo que permita unha maior e mellor liña de amarre; así coma a colocación de pantaláns para embarcacións pesqueiras e deportivas. Para isto solicitaron que Portos acometera “dunha vez por todas e de xeito responsable” un estudo “rigoroso” da ubicación máis axeitada desta nova infraestrutura portuaria que propoñen “para garantir así a continuidade da náutica neste porto”.
Segundo os gobernantes cervenses o futuro do porto de San Ciprián pasa en boa medida pola reconversión das súas instalacións en porto deportivo e de recreo. “San Ciprián perdeu o seu tren pesqueiro na década dos 70 coincidindo có auxe da pesqueria do bonito noutros portos limítrofes, e agora non pode perder tamén a súa oportunidade de converterse nun porto para a náutica deportiva e de lecer” salientaron os políticos locais. Na súa opinión, as particularidades xeográficas e a súa situación equidistante entre os portos deportivos de Viveiro e Ribadeo; xunto co atractivo turístico da vila fan de San Ciprián un lugar máis que idóneo para que Portos de Galicia valore esta posibilidade.
Por outra banda tamén reiteraron diante de Jacinto Parga a necesidade de que Portos acometa a ordenación das distintas zonas de fondeo existente actualmente no porto.
VISITA PROPAGANDÍSTICA
Á marxe destas reivindicacións, Os integrantes do equipo de Goberno Local cualificaron a visita do Presidente de Portos de Galicia a San Ciprián coma “a demostración de que o PsdeG xa deu o pistoletazo de saída da campaña electoral”. Segundo a súa opinión, Parga só veu a San Ciprián a facer “maquillaxe preelectoral” para “tratar de rabuñar algunha foto” facendo ver coma si lle preocupara este porto, cando a realidade é moi distinta. Botaron en falla o anuncio de actuacións concretas do responsable de Portos de Galicia para este peirao e lembráronlle a Parga que tanto el, coma a conselleira de Pesca “deixaron pasar unha boa oportunidade para resarcirse do voto en contra amosado polo seu partido político no Parlamento de Galicia a unha iniciativa do parlamentario mariñán popular José Manuel Balseiro para acometer melloras neste porto mariñán.
SAÚDOS. – CONCELLO DE CERVO
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
