RIBADEO (FNC) .- O alcalde de Ribadeo, Fernando Suárez, considera que a adxudicación das obras de urbanización do parque industrial “significa un paso máis á hora de que Ribadeo teña o tan ansiado polígono industrial, despois de que SEPES lle adxudicase a un dos 30 aspirantes que puxaban para poder executar dita obra. Será FCC Construcción S.A a que realice eses traballos nun prazo non superior a once meses desde a acta de replanteo inicial e por unha cifra de máis de 4 millóns de euros”.
Suárez Barcia sinala que “Isto non sería posible si non tivésemos desbloqueado hai uns meses entre SEPES, Concello e Begasa e grazas á intermediación e ao impulso decisivo de Fernando Blanco, Conselleiro de Industria, que sentou as bases e puxo enriba da mesa unha cantidade económica para resolver o problema do subministro eléctrico ao polígono a través da construción dunha subestación. Iso foi o que desbloqueou todos estes pasos que agora se estiveron dando: licitación de obra, adxudicación de obra e entendemos que o seguinte será o inicio das obras, tal e como dixemos hai semanas, no entorno da primavera, toda vez que agora se depositen os avais que marca a lei e se fagan as actas de replanteo previas”.
O rexedor ribadense di que “esta é unha boa noticia para Ribadeo dado o momento económico que vai supoñer xa que hai unhas 50 empresas que se poden radicar neste polígono industrial e que aínda que non é moi grande si que está ben conectado e é moi atractivo. De feito moitas empresas teñen manifestado a súa intención de implantarse en Ribadeo e prefiren agardar un pouco máis e radicarse aquí e non noutros concellos veciños a nós. Desde logo penso que van polo bó camiño co que ten que ver coa economía produtiva que é a que realmente serve e non esas outras economías especulativas que xa se ve o rendemento que foron dando”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
