BURELA .- O persoal dos servizos de limpeza dos hospitais de Galiza anunciaron a convocatoria dunha folga indefinida a partir do 27 de febreiro se a patronal continúa co incumprimento dos acordos en materia económica para este ano. Os traballadores e as traballadoras deste servizo levarán a cabo concentracións en todos os hospitais do País dende o mércores 18 para reclamar que a patronal faga efectivos os pagos correspondentes ao recoñecemento do segundo grao da carreira profesional.
O paro afectará a uns 1.200 traballadores e traballadoras de todo o País e a todos os hospitais cabeceiras de comarca, agás o hospital do Salnés e o de Verín, así como aqueles centros de saúde que teñan recoñecida a equiparación salarial do persoal de limpeza. Tamén queda excluído da folga o Hospital Xeral Cíes de Vigo, xa que a empresa concesionaria do servizo si está a cumprir o acordo retributivo.
Débedas económicas co persoal
Rubido explicou que a patronal adebeda a cada traballador/a entre 600 e 800 euros de atrasos económicos por mor da aplicación do segundo grao da carreira profesional ao persoal de limpeza das contratas privadas. Estes colectivo de traballadores e traballadoras conseguiu a equiparación co persoal laboral da Xunta do grupo E en xaneiro do 2008, polo que os novos conceptos que se aplican a este colectivo teñen a súa continuación no persoal das empresas privadas.
A este respecto hai que sinalar que a Asociación Profesional de Empresas de Limpeza, ASPEL, que ten asignadas practicamente a totalidade das contratas do servizo de limpeza do SERGAS, asinou un acordo cos sindicatos no que recoñece o dereito dos traballadores/as ao segundo grao da carreira profesional. Non obstante, logo de catro xuntanzas no Consello Galego de Relacións Laborais, ASPEL continúa a incumprir o acordo en materia económica, polo que finalmente se tomou a decisión de recorrer a medidas de presión.
Os sindicatos apuntaron tamén á responsabilidade subsidiaria do SERGAS e reiteraron que a falla de entendemento que poida existir entre as empresas privadas e a administración, no referido á materia económica, non a teñen que pagar os e as traballadores/as. “Non estamos pedindo nada que non nos corresponda, o que queremos é que se aplique un acordo que xa está asinado pola patronal”, afirmou Paulo Rubido.
Concentración das traballadoras e traballadores de limpeza do Hospital da Costa de Burela (empresa “Acciona,f.s”) na porta do hospital o mércores ás 10:30h.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
