NOTA DE PRENSA
Balseiro Orol explica que o Goberno de Feijóo creará Unidades de Atención Integral á Muller en cada comarca para desenvolver programas asistenciais específicos para elas que contarán cun médico de familia, un especialista en xinecoloxía, matronas, enfermeiras, psicólogas, traballodoras sociais e orientadores xuvenis
O GOBERNO DE FEIJÓO GARANTIRÁ A COBERTURA DO 90% DAS BAIXAS DOS FACULTATIVOS NOS CENTROS DE SAÚDE E URXENCIAS MÉDICAS
• A ausencia de substitucións é unha das causas da situación de colapso que aínda continúa en moitos centros de saúde da Mariña e no servizo de urxencias hospitalarias, e que trouxo consigo un feito inaudito: demoras e listas de espera na atención primaria.
A Mariña, 26 de febreiro de 2009.- Un dos cabalos de batalla do futuro Goberno do Partido Popular de Galicia será traballar para desterrar as listas de espera dos centros de saúde da nosa comarca. Por primeira vez na historia os mariñáns, como o resto dos galegos, vén demorada a súa cita para consulta co médico de cabeceira o para a prescrición de receitas. Unha das circunstancias que contribúen a provocar este colapso da sanidade máis próxima é a falta de substitución dos facultativos e outros traballadores dos centros de saúde, algo que pon de relevo a falta de previsión do departamento autonómico de Sanidade -en mans da socialista Maria Jose Rubio- e implica un incumprimento do plan de mellora da atención primaria que obriga a substituír o 90% das baixas deste persoal.
Para atallar esta situación o candidato número tres do Partido Popular pola nosa provincia, Jose Manuel Balseiro Orol, explicou que a súa formación política comprométese a garantir a cobertura das baixas dos facultativos nos centros de saúde e nas urxencias médicas nun prazo non superior a tres días “e facelo ademais do xeito que a propia lexislación obriga segundo o plan de mellora da atención primaria asinado entre Sanidade e os colectivos en defensa do sistema público de”. Os populares multiplicarán as prazas de MIR naquelas áreas sanitarias máis deficitarias e fomentarán a contratación estable dos facultativos de tal xeito que eviten que a precariedade no sistema dea lugar a que moitos médicos marchen de Galicia en busca de mellores oportunidades laborais, e non existan demandantes de emprego cando é preciso cubrir unha baixa.
PROCEDEMENTO PERVERSO
Ata o momento multiplícanse os casos na nosa comarca nos que Sanidade nin contratou persoal para efectuar as substitucións do persoal de baixa, nin habilitou medidas como a prolongación de xornada dos facultativos dispostos a elo coas correspondentes retribucións naqueles períodos de maior intensidade das consultas -época de gripe,…-. Pola contra, Sanidade optou polas intersubstitucións, é dicir, un mesmo médico debe atender aos seus pacientes e aos dos compañeiros ausentes, o que provoca longas esperas e unha atención máis deficiente por falta de tempo. Este feito, cualificado polo candidato popular como un “procedemento perverso para a cailidade asistencial” está a provocar casos como os rexistrados nos centros de Saúde de San Ciprián, Foz ou Burela, onde un mesmo médico se viu obrigado a atender dúas consultas, coa conseguinte redución do tempo dedicado a cada unha delas
UNIDADES DE ATENCIÓN INTEGRAL Á MULLER
Por outra banda, Balseiro Orol explicou que o Goberno de Feijóo creará Unidades de Atención Integral á Muller en cada comarca para desenvolver programas asistenciais específicos para elas que contarán cun médico de familia, un especialista en xinecoloxía, matronas, enfermeiras, psicólogas, traballodoras sociais e orientadores xuvenis.
Entre a carteira de servizos destas Unidades asistenciais están a Prevención cancro xenital: ecografía vaxinal e citoloxía, programas de detección precoz cancro de mama, indicación e vacinación fronte ao papilomavirus HPV, fisioterapia de drenaxe linfática para mulleres operadas de cancro de mama. planificación familiar, reprodución asistida, de acordo ao catálogo de prestacións do servizo galego, prevención das enfermidades de transmisión sexual, preparación ao parto, atención ao embarazo e parto, asistencia e asesoramento á muller embarazada sobre os recursos de protección oficial existentes que lle permitan culminar o embarazo, consulta perimenopausia, prevención e atención a casos de violencia machista.
CENTRAL DE CHAMADAS
Os populares tamén comprométense a reorganizar a central de chamadas para citas de atención primaria, actualmente privatizada en prexuízo do usuario que en ocasión asume un custo de chamada excesivo. O PPdeG propón que se guie o control do servizo polos tempos de resposta por un operador e non por unha máquina que nos deixa en espera durante uns tempos inaceptables.
Os populares entenden que todos os galegos con independencia da súa idade, lugar de residencia, ou problema de saúde, teñen dereito a vivir e desfrutar da vida con saúde, e polo tanto a recibir uns mesmos servizos sanitarios e da mellor calidade no menor tempo posible.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
