CERVO .- A oficina municipal de atención aos damnificados polo temporal que habilitou o Concello de Cervo informará e colaborará na tramitación das distintas axudas que se poidan ir aprobando co obxecto de compensar os danos provocados polo temporal que, o pasado sábado 24 de xaneiro, afectou dun xeito especialmente virulento ás distintas localidades cervenses.
No día de onte o Diario Oficial de Galicia publicaba unha primeira batería de ordes reguladoras destas axudas. De especial relevancia son as relativas aos danos provocados nas vivendas e nas súas instalacións complementarias (hórreos, alpendres, …), a relativa aos danos nas explotacións agrícolas e gandeiras e aquela destinada a compensar os estragos producidos nos establecementos comerciais, industriais, turísticos e mercantís.
PRAZO DE SOLICITUDE UN MES
Desde a oficina municipal lembraron que a maior parte das axudas complementarán as cantidades non cubertas polos seguros particulares así como tamén adiantan que o prazo de solicitude remata dentro de un mes, contado a partir do día de hoxe.
AXUDAS INSUFICIENTES
O Executivo municipal valorou como “insuficientes” as axudas da Xunta coñecidas onte. Como apoio a esta afirmación indicou que tan só en remodelar as salas de reunións do Consello da Xunta, Touriño gastou unha cantidade similar á cuarta parte do total das axudas que o Goberno galego destina aos damnificados polo temporal, uns 17 millóns de euros. Ao mesmo, desde o Concello de Cervo cuestionouse a complexidade administrativa e excesivo rigor burocrático das axudas xa que pode provocar que moitos veciños non soliciten as súas correspondentes compensacións, circunstancia que a maiores vese agravada polo feito de que a Administración autonómico tan só habilitou unha oficina en Burela, e exclusivamente para informar das axudas que concede a Consellería de Industrial. Precisamente para evitar iso o Concello decidiu colaborar na tramitación das axudas co seus medios e con persoal municipal.
OS DANOS SUPERAN OS 400.000 EUROS
Ata o momento máis dun centenar de veciños achegáronse ata o Concello de Cervo para deixar constancia dos danos provocados polo temporal nos bens da súa propiedade, así como tamén, para informarse sobre as distintas axudas contempladas para compensalos. O valor dos estragos comunicados ascende xa a 415.882 euros, unha cifra que pode supoñer un 10% do total dos danos producidos no conxunto do termo municipal con ocasión do temporal do pasado día 23 de xaneiro.
Precisamente esta cifra, que se aproxima ao medio millón de euros é unha mostra máis do insuficiente das axudas da Xunta que nas ordes publicadas no día de onte no DOGA non inclúe achegas destinadas a compensar os danos provocados pola interrupción do subministro eléctrico (perdas nos conxeladores, refrixeradores, … etc) nin tampouco o prexuízo provocado a empresas e establecementos comerciais polo peche ou a perda de negocio -lucro cesante- ante a falta de electricidade.
LIBERAR AS PISTAS FORESTAIS
Por outra banda segundo informou o Alcalde de Cervo, Alfonso Villares, que nestes días está a manter varios encontros cos veciños da zona rural: Rúa, San Román, Castelo, Trasbar, A Senra, …etc todos eles déronlle conta da mala situación na que se atopan os montes, as pistas e os camiños particulares, moitos deles, obstruídos polas árbores caídas co temporal. Precisamente esta circunstancia é óbice para reclamar, unha vez máis, que tanto Xunta como Goberno central acheguen os medios técnicos e humanos precisos para colaborar nas labores que se teñan que desenvolver nestas explotacións forestais co obxecto de recuperar a normalidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
