Críticas ás listas de espera do Hospital por parte do PP de Burela

NOTA DE PRENSA
O PP de Burela reitera as críticas ás listas de espera do Hospital.

Os populares afirman que hai axendas pechadas.

Consideran que PSOE e BNG rinse dos veciños.

O PP de Burela reiterou hoxe as críticas ás listas de espera do Hospital burelés, afirmando que hai axendas pechadas. Así, os populares aseguran que en Oftalmoloxía se lle dixo a unha persoa, en decembro, que pedira consulta cando se repartan as vacacións, o que é incomprensible a todas luces. Ademais, tamen en Decembro, a un paciente de Uroloxía se lle dixo que pedira consulta a partires de Abril. Unha terceira paciente pediu consulta no Centro de Orientación Familiar en Outubro, lle dixeron que xa a avisarían e ainda a día de hoxe non tivo noticias de ningùn tipo.

Para o PP, estes son só exemplos da multitude de casos semellantes que día a día viven os pacientes e usuarios do Hospital de Burela. Polo tanto, non podemos aguantar que os responsables do PSOE e do BNG nos conten milongas sobre o que fixeron en Sanidade, porque a realidade é a que é, que os enfermos sofren considerables retrasos.

Os cidadáns de Burela non nos merecemos representantes que minten e enganan e que por riba non fixeron nada por millorar o funcionamento do Hospital, senon empeoralo, e que para rirse ainda máis de nós non foron capaces a arrancar coa ampliación do Hospital. Ampliación do Hospital que seguramente anunciará mañán, unha vez máis, o señor Touriño, pero que xa non se cré ninguén.