Críticas do PP de Burela á delegación de benestar social do concello

NOTA DE PRENSA:
O portavoz do GMPP de Burela asegura que Nieves Cando é rácana co traballo.

González Barcia afirma que hai solucións inmediatas para o teito da gardería.

Considera que en materia de xuventude non se fai nada que non se fixera co PP.

O portavoz do GMPP de Burela acusou hoxe a Nieves Cando e ó BNG de racanería no traballo, por non ter adoptado solucións inmediatas para arreglar o teito da gardería infantil, xa que se poden facer turnos de fin de semana e mesmo de noite, sen estar nunha situación tercermundista coma a que están os nenos e nenas da gardería burelesa e o persoal que os atende. Ademais, se o teito xá está selado e non hai goteiras, non se entende que as lonas, non unha, senon duas, segan postas a día de hoxe.

Polo tanto, Barcia entende que quen engana e minte é o BNG, Quintana e Nieves Cando. Se esto acontecese co PP, seguro que a Sra. Cando xa levaría tempo azuzando e montando follón, que o que realmente lle gusta. Agora Nieves Cando, Quintana e Vicepresidencia teñen que responder polas súas responsabilidades e deixarse de culpar ó PP.

Barcia lembra que foi o PP quen fixo a gardería e quen fixo a ampliación, ampliación que non contou co apoio do BNG para a súa financiación, e que de ser por eles non se tería feito. Ademais, Barcia tamén lembra que foi Vicepresidencia quen puxo enormes pegas, por motivo de seguridade, para abrir a ampliación, e agora a mesma Vicepresidencia non vé ningún problema en que a gardería esteña coma está, ou sexa, con problemas de seguridade.

Ademais, Barcia afirma que Nieves Cando representa unha labor nefasta, xá que despois de tanto criticar ó PP cando gobernaba, agora, sen ir máis lonxe, en materia de xuventude non se está facendo nada que non se tivera feito antes co PP, e xa vemos as presas que se dan para facer o campo artificial da Marosa, que foi solicitado polo equipo de goberno municipal de Burela.

Por último, decirlle que estou perfectamente enterado do que pasa na gardería, porque os pais e as nais non só falan con ela; tamén falan con nós, ainda que sabemos que eso non lle gusta a Nieves Cando. Que se preocupe de traballar algo máis, que está algo vaga, e que se non se preocupe de min, porque pagámoslle entre todos para que faiga algo.