NOTA DE PRENSA:
Os populares flexibilizarán os criterios impostos polo bipartito para que máis nenos e nenas galegos poidan beneficiarse de gratuidade dos comedores escolares, un servizo social indispensable para garantir unha alimentación equilibrada dos nosos rapaces, e un instrumento ideal para a conciliación da vida laboral e familiar
A XUNTA DO PPdeG ASUMIRA O 90% DO CUSTE DOS COMEDORES ESCOLARES PROMOVIDOS POLAS ASOCIACIÓNS DE NAIS E PAIS
* Balseiro Orol explica que a Xunta do PPdeG aposta pola “gratuidade total” dos libros de texto polo que modificará o actual sistema de préstamo que obriga a moitas familias a seguir pagando entre 50 e 60 euros.
A Mariña, 24 de febreiro de 2009.- Cando Alberto Núñez Feijóo acceda á responsabilidade de presidir a Xunta de Galicia a administración autonómica asumirá o 90% do custe dos comedores escolares promovidos polas Asociacións de Nais e Pais (ANPAS). Así o explicou o candidato número tres pola provincia de Lugo, Jose Manuel Balseiro Orol quen indicou que poderán beneficiarse desta medida preto de 2.000 escolares mariñaos.
Segundo un estudo realizado pola Unión de Consumidores (UCE) os comedores escolares xestionados directamente polas ANPAS en Galicia son os segundos máis caros de España –so superados polos cataláns-. Cada vez que un alumno emprega este servizo, ten que abonar unha cantidade media de 5,27 euros. Os populares non se conforman con que na nosa comunidade sexa moito máis caro empregar un comedor escolar pois entenden que ademais dun servizo importante para garantir unha alimentación equilibrada dos nenos e nenas usuarios, constitúe un instrumento ideal para colaborar na difícil tarefa de conciliar a vida laboral e familiar.
Balseiro Orol explica que a idea dos populares e camiñar cara a gratuidade total destes servizos, de grande interese social, nos vindeiros anos, xa sexa a través dunha subvención finalista ás ANPA´s, -complementaria a que poidan obter desde os concellos- ou ben asumindo directamente a Consellería de Educación a xestión destes comedores, contando sempre coa colaboración das asociacións de nais e pais.
RECURSOS PÚBLICOS TRES ELIMINAR O DESPILFARRO
Segundo o PPdeG o feito de que PSOE e BNG despilfarraran inxentes cantidades de diñeiro público para pagar os luxos de Touriño e dos seus conselleiros, ou en carísimas campañas de publicidade e propaganda, impediu contar cos recursos necesarios para ampliar a rede de comedores escolares da Xunta a todos os centros de educación obrigatoria e forzou a que os actuais responsables do bipartito endureceran os requisitos polos que as familias poden beneficiarse da gratuidade ou da rebaixa no prezo dos menús escolares. Precisamente eliminando este despilfarro obterase os recursos públicos necesarios para asumir estes retos.
EDUCACIÓN DE CALIDADE= IGUALDADE DE OPORTUNIDADES
Os populares entenden a educación como un instrumento fundamental para a igualdade de oportunidades: o acceso en igualdade ao coñecemento é o instrumento para formar cidadáns máis libres e responsables. Por iso observan con preocupación a situación de deterioro educativo que está a sufrir o sistema público segundo acreditan todos os organismos de avaliación internacionais. Para superar esta situación o PPdeG aposta por potenciar un modelo baseado no esforzo, o mérito e a responsabilidade dos alumnos, e que fuxa de ideoloxización a día de hoxe empregan os socialistas –educación para a cidadanía- e os nacionalistas –inundando de política os centros escolares-
GRATUIDADE REAL DOS LIBROS DE TEXTO
Balseiro Orol afirma que o PPdeG modificará o actual sistema de préstamos dos libros escolares para transformalo nun sistema de gratuidade real. “Non podemos conformarnos con que algunhas familias teñan que pagar curso tras curso entre 50 e 60 euros” – expón Balseiro. “Hai que garantir que as familias non teñan que pagar un só euro polos libros de texto que empregan os seus rapaces no seu proceso educativo, e que os alumnos poidan empregar os libros sen temor a deterioralos polo seu propio uso xa que despois saben que teñen que pagalos os pais”
O candidato popular explica que en concellos xestionados polo PPdeG como o de Cervo a administración local asume o custe dos libros que non entran dentro do enganoso sistema de préstamos da Xunta. “É a administración a que asume o custe das fichas de infantil e dos cadernos de actividades de primaria xa que non poden ser reutilizados e que a administración non asume”. Balseiro conclúe que “a gratuidade real é posible pero non con PSOE e BNG”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
