MADRID (FNC). A presidenta da Fundación Herederos del Mar, Marisol Moreda, presentou en Madrid o seu último libro El Silencio de la Mar no que se recollen casos que impulsan a unha reflexión colectiva sobre a precariedade socioeconómica e laboral na que viven estes profesionais e que igualmente pode ser similar a moitas outras. O libro narra de forma novelada algunhas historias de casos verídicos que pasaron pola fundación, enlazando as devanditas historias coa propia da Fundación Herederos del Mar nos seus dez anos de singradura.
Marisol Moreda sinalou que “aínda que poidan parecer historias tristes, a vida desas xentes é así, o libro pretende ser optimista. Dada a vocación humanista da Fundación e por tanto dos seus membros, quíxose plasmar neste libro ese mesmo carácter de defensa da humanidade e dignidade das persoas traballadoras do mar, pois na Fundación Herederos del Mar non se traballa con cifras, senón cos seres humanos que hai detrás desas cifras”.
Respondendo ás preguntas formuladas en relación coas reivindicacións da Fundación, Moreda insiste na necesidade de cumprir con todas as promesas que as diferentes administracións realizaron ao sector pesqueiro “os mariñeiros seguen coas mesmas condicións de venda do peixe en lonxa, cos mesmos salarios e demandas pendentes de compensacións económicas similares ás doutros sectores de actividade ( PER)”.
A escritora focense apostou “por facer máis atractivo o oficio de pescador para que este non se perda a través de cursos de formación, entre outras cousas” e avogou unha vez máis “porque se realicen maiores controis das importacións do peixe que chega ao noso país”. Expresou tamén a necesidade vital de deixar a demagoxia de lado, de concienciarse da patética situación social nun sector que vive cheo de hipotecas e subvencións e expresou a necesidade de fomentar a capacidade de ler para poder comprender”. E lamentou que nosos novos carezan de comprensión lectora.
As confrarías de pescadores, os armadores ou calquera persoa que queira ter acceso a este libro El Silencio de la Mar poden dirixirse á Fundación Herdeiros do Mar para conseguilo. Os fondos que se recaden irán destinados “a axudar a todas esas familias mariñeiras que acoden a nós para expoñer o seu caso…, malia o esforzo que para nós representa”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
