A MARIÑA .- Representantes da Concellería de Pesca, Ministerio de Medio Ambiente e representantes do sector dos profesionais do mar mantiveron en Celeiro unha reunión de traballo na que estudaron a creación dunha reserva mariña nas rías de Viveiro e O Barqueiro. A xestión desta zona protexida será compartida entre o goberno central e a administración autonómica, xa que se está a traballar nun proxecto que afectará a augas interiores e exteriores de Galicia. Pola delimitación xeográfica coa que se traballa de partida e que implica que esta reserva mariña poida ser a de maior extensión das creadas ata o de agora na nosa comunidade autónoma.
Nota de Prensa
Pesca, Ministerio e sector traballan na creación dunha reserva mariña na ría de Viveiro e O Barqueiro
A xestión desta zona protexida será compartida entre o Goberno central e a Administración autonómica, xa que se está a traballar nun proxecto que afectará a augas interiores e exteriores de Galicia
Para iniciar o procedemento de creación da reserva constituíuse un grupo de traballo, formado por representantes dos profesionais do mar das confrarías de Celeiro e O Vicedo e no que tamén participan técnicos de Pesca, para avanzar no desenvolvemento desta iniciativa
Coa creación dunha reserva mariña nesta área costeira quérese seguir a estela das postas en marcha en Lira e Cedeira
O director xeral de Recursos Mariños, Antonio García Elorriaga, xunto con técnicos da Consellería de Pesca e Asuntos Marítimos, e o subdirector general de Conservación de los Recursos Litorales y Acuicultura do Ministerio de Medio Ambiente y Medio Rural y Marino, José Manuel Sánchez Mora, mantiveron esta tarde na sede da Confraría de Pescadores de Celeiro unha xuntanza de traballo con representantes deste pósito e máis do Vicedo. O obxectivo deste encontro foi abordar co sector a situación na que se atopa o proxecto de creación dunha reserva mariña nas rías de Viveiro e O Barqueiro.
No transcurso da reunión acordouse que a xestión da futura reserva mariña será compartida entre o Goberno central e a Administración autonómica, así como os gastos derivados da súa posta en marcha. De feito, a presenza do representante do Ministerio nesta reunión vén motivada porque se está a traballar nun proxecto que afectará a augas interiores e exteriores de Galicia e polo tanto a xestión debe ser conxunta.
Ademais, analizouse a delimitación xeográfica coa que se traballa de partida e que implica que esta reserva mariña poida ser a de maior extensión das creadas ata o de agora na nosa comunidade autónoma. Así mesmo, acordouse continuar o proceso de implementación para o desenvolvemento desta zona protexida para o que seguirán manténdose os contactos entre o sector e as dúas administracións.
Orixe da iniciativa
A iniciativa de crear unha reserva mariña nas rías de Viveiro e O Barqueiro nace da proposta da confraría de pescadores de Celeiro e do Vicedo e tamén do impulso do departamento que dirixe Carmen Gallego. Os antecedentes desta actuación remóntanse a un proxecto presentado en 2007 polo sector de Celeiro, ao amparo da orde de axudas a proxectos colectivos da Consellería, para a construción, instalación e seguimento de arrecifes artificiais na zona comprendida entre Os Netos e Punta Roncadoira. O obxectivo era dar impulso e potenciar o sector pesqueiro de baixura, un dos principais focos de desenvolvemento nesta comarca lucense.
Unha vez estudado o proxecto por parte de Pesca decidiuse, en consenso cos impulsores da medida, que a opción máis axeitada sería unha reserva mariña que contase coa implicación dos profesionais do mar. Este cambio na actuación a levar a cabo obedeceu ás características da zona e da frota e ás necesidades dos pescadores da área de influencia.
A partires dese momento, creouse un grupo de traballo interno que está constituído por representantes dos sectores de produción da pesca artesanal e o marisqueo de ambas as dúas confrarías (Celeiro e O Vicedo) e no que técnicos de Pesca actúan como asesores e catalizadores do proceso. O seu traballo consiste en analizar os aspectos de interese que conflúen na zona, así como establecer a delimitación, as actividades e usos permitidos e medidas de mellora estimadas para a xestión dos recursos mariños. Toda a información que xera este grupo de traballo e os acordos acadados servirán para formular a proposta final ás administracións competentes.
Seguir a estela de Lira e Cedeira
A Consellería de Pesca e Asuntos Marítimos vén traballando dende os últimos tres anos, en estreita colaboración co sector pesqueiro de varias localidades costeiras, na aplicación de novos modelos de xestión que revirtan a actual situación de sobreexplotación en determinadas pesquerías e o momento económico dos diferentes sectores produtivos da pesca artesanal.
Así, as reservas mariñas de interese pesqueiro constitúen o paradigma destes sistemas de xestión, baseados na participación e a involucración dos pescadores e no exercicio dunha pesca responsable e respectuosa co medio ambiente mariño.
Este camiño, que entende a xestión pesqueira dun xeito sostible, iníciase no ano 2007 coa creación da Reserva Mariña de Interese Pesqueiro “Os Miñarzos” de Lira, a primeira de Galicia, á que lle seguiu hai apenas unhas semanas a creada na Ría de Cedeira. Con este mesmo fin e para seguir a estela destas dúas localidades, a Administración galega traballa agora mesmo nos proxectos da Ría de Viveiro e O Barqueiro, así como nos de augas exteriores de Cedeira, Aguiño e Camelle.
A creación de reservas mariñas atópase entre as principais actuacións postas en marcha pola Consellería de Pesca e Asuntos Marítimos na presente lexislatura como modelo sostible de xestión pesqueira. De feito, na nova Lei de Pesca de Galicia, o departamento que dirixe Carmen Gallego introduciu como novidade as figuras das áreas mariñas protexidas, de acondicionamento mariño, de repoboación ou as reservas mariñas coa finalidade de preservar o medio no que se desenvolven os recursos.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
