SANTIAGO.- Segundo informa ADEGA, Tribunal Europeo de Xustiza de Luxemburgo ven dar a razón ás organizacións ambientalistas e cidadás na súa loita contra cultivos transxénicos e polo dereito á información. ADEGA denunciou reiteradamente a opacidade, permisividade e escandalosa complicidade do estado español co lobby dos transxénicos, que establece atrancos á cidadanía para acceso á información sobre os “ensaios de liberación”. Até o de agora, algúns estados negábanse a facer pública a ubicación das parcelas experimentais nas que as transnacionais dos OMXs “ensaiaban” os seus produtos, alegando que se “lesionaría a intimidade” das empresas e dos propietarios/as das terras. Resulta irónico que se vulnerara sistematicamente o dereito á información e o Principio de Precaución, atendendo máis aos intereses privados das compañías que ao interese público de coñecer a localización duns produtos cuxa perigosidade ten sido repetidamente demostrada por numerosos estudos, denunciada por unha parte importante da comunidade científica e mesmo recoñecida por algúns países.
Dende ADEGA agardamos logo que o Ministerio de Medio Ambiente, Rural e Mariño de quen depende a autorización para os ensaios dos novos “monstruiños” biotecnolóxicos nas nosas terras, acate a sentenza do Tribunal de Luxemburgo e cumprimente as reiteradas peticións de ADEGA sobre a localización exacta dos campos de experimentación en Galiza. As últimas peticións de ensaios por parte das empresas “fabricantes” de transxénicos localízanse nos concellos de Arzúa, Santa Uxía de Ribeira, Mesía, Vilalba e Chantada. Convidamos á veciñanza destes concellos, asociacións e cidadanía en xeral a enviar masivamente novas solicitudes de información: temos dereito a saber onde e que se quere prantar na nosa terra para non ficar inermes fronte aos risco destes ensaios.
Ligazón á solicitude:
http://www.adega.info/files/Transxenicos/Solicitude%20informacion%20TRANSX.doc
Por outra banda, ADEGA ven de asinar e aderirse á Declaración Estatal contra os Transxénicos que se fai pública este mércores 18, xunto coas principais organizacións ecoloxistas do estado, investigadores/as e docentes, para esixir democracia, precaución e respecto poa saúde e polo medio ambiente fronte aos organismos modificados xeneticamente (OMXs).
Ligazón á Declaración:
http://www.greenpeace.org/raw/content/espana/reports/declaraci-n-de-personalidades.pdf
Lista de asinantes:
http://www.greenpeace.org/raw/content/espana/reports/lista-de-firmantes-de-la-decla.pdf
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
