NOTA DE PRENSA
O PP asegura que o pleno ordinario de hoxe demostra a incapacidade do bigoberno.
Os populares confían que se convoque canto antes o pleno extraordinario solicitado polos danos do temporal.
Afirman que o Fondo de Investimento Municipal non axudará a crear emprego.
O PP de Burela manifestou hoxe mediante unha nota de prensa que a orde do día do pleno ordinario de hoxe revela claramente a incapacidade do alcalde e do bigoberno por propoñer proxectos de futuro para o concello, que cada vez máis está sumido na apatía e falto de ideas. Os proxectos ilusionantes non chegan, cunde o desánimo entre a cidadania, mentres o alcalde e Nieves Cando buscan só a foto e a propaganda.
No pleno de hoxe, darase conta dos proxectos que Burela enviou con cargo ó Fondo de Investimentos Municipais creado para paliar os efectos do paro. O PP considera que este Fondo, a nível de investimento, e ainda que pretende subsanar de paso a baixa na financiación local, non é malo, pero non servirá para crear emprego estable e de calidade, porque é só un parche para evitar que os datos do paro sexan aina máis grandes dos que acabamos de coñecer hoxe.
Entrar na rede de cidades saudables non vai ter ningún efecto beneficioso sober a nosa saúde. Mesmo o concello perdeu unha subvención que encaixaba neste asunto non hai moitos meses.
E por último, os criterios de productividade serviranlle ó alcalde e a Nieves Cando repartir cartos públicos de forma totalmente parcial, coma fixeron o ano 2007; por aquela houbo traballadores municipais que se levaron en productividade tres mil euros.
Como se vé, asuntos de trámite, que quedan máis en evidencia ante a ausencia de mocións do PP, ausencia totalmente deliverada para evidenciar xustamente que o bigoberno, e especialmente o alcalde, non teñen proxecto para Burela.
Pero no turno de rogos e preguntas o PP interesarase polas medidas que está adoptando o bigoberno para axudar ós particulares e empresas afectados polo temporal. Polos destrozos causados polo vento que ainda están sen arranxar, e polo comenzo das obras do campo de fútbol artificial, que supoñemos que se farán agora en campaña electoral.
Precisamente en relaciòn co temporal, o PP ten presentada a solicitude de celebración dun pleno extraordinario, que confían em que se convoque en breve, para poder solicitarlle axudas ó goberno do Estado e tamén á Deputación, porque o fondo creado pola Xunta é claramente insuficiente. Con dezasete millóns de euros, a capacidade de manobra da Xunta é escasa.
En Burela,a tres de Febreiro de dous mil nove.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
