NOTA DE PRENSA:
A última ocasión, o pasado mes de decembro cando os votos conxuntos de nacionalistas e socialistas impediron que prosperase unha emenda do PPdeG pola que reclamaban que os orzamentos de 2009 contemplasen investimentos concretos para levar adiante esta actuación
BALSEIRO: “O BNG VOTOU ATA EN CINCO OCASIÓNS NESTA LEXISLATURA EN CONTRA DA AMPLIACIÓN DO HOSPITAL DA COSTA”
* O centro hospitalario sito en Burela e o único en toda Galicia que non conta con consignación orzamentaria expresa para o seu plan funcional.
* Segundo o PP os nacionalistas son corresponsables da situación de deterioro do sistema público de saúde e xunto co PSOE forman parte do problema.
A Mariña, 12 de febreiro de 2009.- O candidato número tres do Partido Popular de Galicia, Jose Manuel Balseiro Orol, replicou ao seu homólogo nacionalista Manuel Parga, que o BNG non quixo acometer a tan necesaria obra de ampliación do Hospital da Costa ao longo desta lexislatura. De feito, o dirixente popular lembra que o propio Parga, na súa condición de deputado do Parlamento de Galicia, votou hasta en cinco ocasións en contra de iniciativas polas que o PPdeG reclamaba levar adiante esta actuación.. “A última vez foi o pasado mes de decembro, cando rexeitou achegar cartos para unha obra que agora cualifican de urxente e definen como a gran asignatura pendente da sanidade comarcal.” Balseiro explicou tamén que cada unha destas ocasións consta, sen espazo para a dúbida, nos respectivos Diarios de Sesión.
¿PLAN FUNCIONAL?
A maiores de todo iso, o candidato do PPdeG lembra que as contas autonómicas elaboradas por PSOE e BNG para o 2009 non achegan “nin un só céntimo” para levar adiante o tantas veces anunciado plan funcional, un instrumento co que se pretende lograr á mellora asistencial do hospital de Burela. Si aparecen, en cambio, previsións de investimentos para os plans directores dos hospitais Juan Canalejo (4 M€), Arquitecto Marcide (1,4 M€), Centro Hospitalario de Ourense (1 M€), Hospital de Pontevedra (400.000 €) e do Salnés (1 M€).
Este dato sumado á negativa da Xunta a facilitar copia do devandito plan -pese a ser reclamado polo conduto regulamentario da Cámara autonómica-, fai que os populares cheguen dubidar incluso da existencia do propio documento.
CORRESPONSABILIDADE DO BNG
Balseiro afirma que, malia que Sanidade é unha área de Goberno de responsabilidade socialista o BNG é tamén culpable dos múltiples incumprimentos e do deterioro xeneralizado do sistema público de saúde que está a ter lugar nestes tres últimos anos. Ao mesmo tempo cuestiona a credibilidade das ofertas electorais dos nacionalistas “pois son calcadas as feitas fai catro anos e pese a iso, como todos poden observar non cumpriron ningunha delas”.
PSOE E BNG PARTE DO PROBLEMA
“Segundo o candidato do PPdeG os actuais responsables da Xunta “parecen máis preocupados en maquillar as listas de espera e negar os problemas que en solucionalos. Por iso chegou o momento de dicir adeus ao bipartito. Chegou o momento de apostar por un Goberno do PPdeG que manteña un compromiso claro e crible para atallar os problemas da sanidade pública na nosa comarca. Quen como PSOE e BNG forman parte do problema non poden contribuír a ofrecer a solución”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
