RIBADEO .- (FNC) O Concello de Ribadeo será pioneiro de novo en Galiza, tal e como xa o foi con iniciativas coma a teleasistencia, o programa Xantar sobre rodas e o servizo de podoloxía á xente maior. Nesta ocasión será realizando un estudio nutricional e de calidade de vida dos habitantes da terceira idade de Ribadeo, froito do convenio que esta tarde asinaban o Colexio de Médicos de Lugo, a Vicepresidencia da Igualdade e do Benestar e o propio Concello. O rexedor dixo que “entre a xente da terceira idade existe unha tendencia a padecer trastornos de inxesta alimentaria cos consecuentes déficits nutricionais, non sempre clínicamente manifestos… por iso imos realizar este estudio para despois en función dos resultados obtidos poder actuar. Trátase dun paso importante de cara a mellora a calidade de vida dos nosos maiores”.
O presidente do Colexio de Médicos, José Ignacio Vidal Pardo, sinalou que “Ribadeo presenta unhas características demográficas que o fan idóneo para realizar este estudio muestral desde o punto de vista nutricional porque conta con poboación rural, urbana, costeira e de interior. Queremos comparar a xente que come do que fai na casa coa xente que participa no programa Xantar sobre rodas”.
Os obxectivos do estudio pasan por coñecer o estado nutricional da poboación anciá de Ribadeo, por realizar un estudio de metabolismo fosfo-cálcico e de vitamina D nesta poboación non illada e por valorar as condicións de vida e os seus hábitos alimentarios para despois actuar en consecuencia. Serán obxecto de dito estudio 35 persoas beneficiarias de Xantar sobre rodas e outras 35 elexidas aleatoriamente dentro dos que comen no seu medio familiar. Dous médicos, dous diplomados en enfermería e o asistente social serán os encargados de obter toda a información clínica e as enquisas nutricionais e socio sanitarias.
A delegada da Vicepresidencia da Igualdade e do Benestar, Branca Rodríguez Pazos asegurou que “a máxima preocupación da Xunta son as persoas maiores e tamén os maiores depedentes” e destacou que Ribadeo “foi pioneiro na posta en marcha do programa Xantar na casa que na actualidade está xa en 26 concellos da provincia de Lugo e ao longo deste 2009 agardamos que estea xa en todos”. Rodríguez Pazos suliñou a importancia deste estudio “porque moitos dos nosos maiores perderon o hábito de comer variado” e dixo tamén que “Ribadeo será un exemplo para o Consorcio Galego de Servizos Sociais que xunto coas tres universidades galegas está tentando facer tamén un estudio deste tipo no que despois se poderá integrar Ribadeo”. A Vicepresidencia da Igualdade e do Benestar asume o custe da realización deste estudio nutricional e de calidade de vida dos habitantes da terceria idade de Ribadeo.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
