LUGO.- O Departamento de Turismo da Deputación Provincial emitiu un comunicado para aclarar a convocatoria feita pola Cámara de Comercio de Lugo para reunir o Padroado de Turismo da provincia. Entenden que é unha decisión unilateral da Cámara, sen contar nin coa Deputación nin coa Dirección Xeral de Turismo da Xunta nin cos Consorcios de Turismo. En consecuencia toman a iniciativa de poñerse en contacto coa Cámara para aclarar a situación e as motivacións desta convocatoria.
NOTA DE PRENSA:
COMUNICADO DO DEPARTAMENTO DE TURISMO DA DEPUTACIÓN DE LUGO
POSICIONAMENTO DA DEPUTACIÓN DE LUGO ANTE UNHA NOVA CONVOCATORIA DA CÁMARA DE COMERCIO DE LUGO
Lugo, 6 de marzo de 2009. O 5 de marzo de 2009 recíbese na Deputación Provincial unha convocatoria remitida dende a cámara de Comercio de Lugo para asistir a unha nova reunión dun Padroado de Turismo da provincia.
A área competente na deputación nunca tivo coñecemento das intencións da Cámara de Comercio por contacto directo, a comunicación continúa sen facerse nen ao departamento de Turismo nin á súa máxima responsable, Mª Xosé Vega Buján.
Tanto a convocatoria para esta nova reunión como todos os pasos anteriores dados neste senso, foron feitos de xeito unilateral, polo tanto nós non temos unha participación efectiva no proceso. Ademais a Deputación Provincial non apoia a creación do padroado e, polo tanto, non entrará a formar parte desta proposta nin de ningún órgano colexiado nin asemblea, tal e como se presupón nos documentos dos que se dispón. A Deputación continuará a canalizar a súa participación en entes colectivos a traverso de Turgalicia e dos Consorcios Turísticos, dos que xa é membro.
Vega Buján recalca que un “padroado de turismo de carácter provincial que non conte nin coa Dirección Xeral de Turismo nin cos Consorcios turísticos está invalidado, a primeira por ser a entidade que marca as pautas en materia de turismo en toda Galiza e os segundos por seren organismos representativos dos concellos”
A vicepresidenta nacionalista poñerase en contacto nas vindeiras horas co presidente da Cámara de Comercio, Alfredo H. Mosteirín, como máximo responsable deste ente, para aclarar posturas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
