NOTA DE PRENSA
O deputado electo acolle con satisfacción esta nova responsabilidade e adianta que un bo resultado nestes comicios abrirá as portas do cambio na Moncloa, de igual xeito a que o 1 de marzo as abriu en Galicia.
O PP NOMEA A BALSEIRO OROL COORDINADOR DE CAMPAÑA DAS EUROPEAS NA PROVINCIA DE LUGO
• Balseiro Orol foi designado tamén pola dirección do PPdeG como membro do Comité Organizador do Congreso Rexional que terá lugar o 9 e 10 de maio.
A Mariña, 18 de marzo de 2009.- A dirección provincial do Partido Popular de Lugo acordou nomear a Jose Manuel Balseiro Orol como coordinador de campaña para as vindeiras eleccións europeas na provincia de Lugo. Os comicios nos que estamos chamados a elixir aos futuros europeduptados -aos membros do Parlamento Europeo- terán lugar o 7 de xuño. Precisamente o venres 21 está previsto que Balseiro Orol asista á primeira xuntanza de traballo de cara a esta cita electoral, que terá lugar na sede nacional do PP na rúa Génova.
O deputado mariñán agradece a confianza que nel deposita a cúpula do seu partido e adianta que acolle con satisfacción esta nova responsabilidade. “O 1 de marzo abríronse as portas do cambio en Galicia e o 7 de xullo abriranse as da Moncloa, da man da vitoria nas eleccións europeas” – afirma Balseiro Orol
EXCELENTES RESULTADOS ELECTORAIS
Na designación do dirixente político mariñán como coordinador electoral do Partido Popular de Lugo para as vindeiras eleccións europeas non só influíu o feito de que o deputado electo sexa o Secretario Xeral desta formación política na nosa provincia, senón tamén os excelentes resultados acadados polo PP nas pasadas eleccións. De xeito especial, foron determinantes os bos datos na Mariña lucense onde os populares lograron a vitoria electoral en todos os concellos da nosa comarca, excepto na Pontenova, incluído naqueles nos que a día de hoxe existe unha alcaldía doutra cor política.
COMITÉ ORGANIZADOR DO CONGRESO REXIONAL
Tamén Balseiro Orol recibe boas novas da dirección rexional. Neste caso, o Partido Popular de Galicia acordou designar ao deputado electo popular como membro do Comité Organizador do futuro Congreso do PPdeG. O cónclave popular terá lugar os días 9 e 10 de maio en ten entre os seus obxectivos prioritarios abondar na modernización do partido e refortalecer a súa estrutura interna, agora que ademais os populares asumen a responsabilidade de Goberno na Xunta. Baixo o título “seguir, sumar e gañar” a celebrarase tras as eleccións autonómicas nas que os populares obtiveron unha vitoria histórica e indiscutible.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
