RIBADEO (FNC) .- Na madrugada do pasado xoves ao venres e nesta pasada “dentro das medidas que xa anunciamos hai meses tras a firma dun convenio coa Consellería de Innovación e Industria para o aforro enerxético tanto desde o punto de vista económico como medio ambiental, xa comezamos a aplicar este programa”, segundo explica o alcalde de Ribadeo. Fernando Suárez sinala que “a medida suporá un aforro importante desde o punto de vista económico no sentido de que se van apagar unha serie de farolas do alumeado público, sobre todo no ámbito da vila. A vila ten 1.019 puntos de luz e entre a unha e media da madrugada e as sete e media da mañá aproximadamente o 30% (340 farolas) apagaranse sen que iso poida baixar a calidade do servizo e sen que poida producir inseguridade cidadá”. O rexedor engade que “simplemente que en horarios nos que non hai xente na rúa durante a semana é unha pena que se estean a consumir un montón de recursos enerxéticos e económicos que ten que sufragar o Concello de Ribadeo”.
O rexedor subliña que “as fins de semana non haberá este tipo de restrición e cando haxa momentos de demanda, por exemplo en festas tampouco haberá esta restrición, pero parécenos moi importante que o 30% dos puntos de luz da vila sexan apagados nesta franxa horaria. Seguramente poidamos ir a máis, pero hai rúas que contan con cableados vellos o que fai imposible que agora mesmo poidamos tamén actuar deste xeito. A medida que vaiamos arranxando máis rúas, poderemos cambiar o cableado para que sexa posible facer operativa toda esta execución de cara ao aforro enerxético”.
Suárez Barcia considera que “desde o punto de vista do aforro económico o que isto vai representar resulta difícil sabelo con exactitude dado que en función da época do ano as luces acéndense antes ou despois e teñen tarifas diferentes ven sexa en horario punta ou en horario val, pero facendo unha extrapolación de todo un ano con este número de luces, e sen prexuízo de que vaia a máis, o aforro estaría en 9.000 euros anuais”.
Este programa de aforro enerxético posto en marcha polo Concello de Ribadeo aplicaráse de luns a venres, é dicir desde a madrugada do domingo ao luns ata a madrugada do xoves a venres. Durante as fins de semana estarán activas as 1.019 farolas que hai instalada na vila ribadense.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
