RIBADEO .- Asociación de Amas de Casa, de Viúvas, A Mariña-Cogami, Ou Cantal de Rinlo e Atalaia mantivemos distintas reunións con todos os grupos políticos municipais no 2008 para que se nomeasen rúas de Ribadeo, entre elas: A peonil detrás do Cinema Teatro, o Camiño que baixa a Cabanela desde Ibañez ou o que baixa a Buenos Aires desde Amador Fernández, o Aparcadoiro Municipal á beira da Rúa Daniel Cortezón ou a coñecida como Praza da Música.
Os nomes propostos foron o de Amando Suárez Couto, os Remeiros do Eo (Non cremos necesario expor os méritos nin do primeiro nin dos segundos) e, dado que a Concelleira de Cultura expuxéranos que se achegasen nomes de mulleres: os de Ernestina Mansilla, Filla Adoptiva de Ribadeo, creadora de centros de ensino e entre eles un colexio para orfos e que efectuou doazóns ao Hospital Asilo; Amadora Suárez Couto e Irmáns, comprometidos coa vida social e cultural ribadense, Amadora interprete e compositora, entre outros, para As Meniñas de Saudade, o noso grupo de Gaiteiras primeiro no seu xénero e para quen tamén se propón rúa ou praza.
Por acordo unánime do Consello Sectorial da Muller o pasado 16 de outubro levan ao Pleno que se celebrará o próximo 16 de marzo, ás oito da tarde, a proposta realizada só no que incumbe aos nomes de mulleres.
Pedimos a asistencia dos veciños para apoiar a nosa petición
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
