SAN CIBRAO .- O Alcalde de Cervo, Alfonso Villares, expuxo a necesidade de arranxar o edificio da Casa do Mar de San Cibrao e de poñer os seus locais a disposición dos veciños. Villares amosouse convencido da maior sensibilidade, cos asuntos públicos, do novo goberno da Xunta de Galicia, e afirmou que “temos a seguridade de que neste verán, sexa xa unha realidade a utilización deste edificio por parte da xuventude”.
NOTA DE PRENSA
O ALCALDE DE CERVO, ALFONSO VILLARES, VÉN DE REALIZAR UNHA ROLDA DE PRENSA, EXPRESANDO A NECESIDADE DE ARRANXAR O EDIFICIO DA CASA DO MAR DE SAN CIBRAO E DE POÑER OS SEUS LOCAIS A DISPOSICIÓN DOS VECIÑOS.
Cervo, 24 de abril de 2009. Durante estes anos, a situación de abandono á que se viu sometido o edificio da Casa do Mar de San Ciprián, por parte da Xunta de Galicia, foi máis que manifesta. Desde o Concello de Cervo requirimos, en reiteradas ocasións, tanto en diversas conversas telefónicas como formalmente por escrito, que estas instalacións foran postas ao servizo dos veciños, pero ata o momento, as respostas da administración da Xunta foron dilatadas no tempo ou simplemente non existían.
Remitíronse escritos ás consellerías, tanto ás gobernadas polo Partido Socialista como ás gobernadas polo BNG, e a única resposta obtida foi un escrito da Consellería de Economía e Facenda de data 30 de decembro de 2008, onde unicamente nos din que a Casa do Mar está adscrita á Comunidade Autónoma de Galicia.
Desde o Concello de Cervo seguimos mantendo que os locais que están desocupados a día de hoxe na Casa do Mar, deben reverter en interese dos veciños e veciñas deste pobo. Deberan ser destinados á xuventude, como puntos de lectura, de xogos ou de encontro. Unha idea que ademais transmitimos ao propios mozos e mozas do noso pobo e que acolleron con satisfacción. O alcalde de Cervo di que, malia a pesar dos numerosos intentos por rehabilitar o uso público deste espazo, o anterior Goberno da Xunta deu a calada por resposta.
A situación de abandono que estábamos a sufrir nestas instalacións quedou aínda máis en evidencia a raíz do temporal Klaus, que provocou que se descubrira a cuberta da Casa do Mar, ocasionando goteiras dentro los locais, dentro do propio Salón de Actos –que está a ser empregado para diversas actividades polos veciños e veciñas- así como o perigo que supón que poidan caer as lousas no parque de San Ciprián, concretamente na zona infantil. Este feito xa se puxo en coñecemento da Xunta mediante tres escritos, pero sen obter resposta algunha a ningún deles.
En parte, “e por desgracia” xa estamos acostumados a esta falta de atención dos anteriores responsables da Xunta de Galicia, posto que no caso de Sargadelos tamén nos mentiron. Comprometéronse a reparar os danos causados polo temporal no Complexo Histórico – Artístico, e polo momento todo segue igual. O peor foi, sobre todo, a falta de palabra dun agora ex – presidente da Xunta que deu a súa palabra de que esa situación se ía arranxar canto antes, e foise da Presidencia con unha deshonra e unha deslealdade cara aos veciños de Cervo.
Na vindeira semana, o alcalde de Cervo manterá unha reunión con responsables da Xunta de Galicia para solucionar a situación do Complexo Histórico – Artístico de Sargadelos neste mes de maio.
Villares está convencido da maior sensibilidade cos asuntos públicos do novo goberno da Xunta de Galicia, ademais de que este Concello recibirá a atención que merecen os nosos veciños e veciñas. Por elo “imos a seguir cos trámites precisos, confiando en dar unha pronta solución a estas cuestións”, coa seguridade de que as instalacións serán postas, agora si, ao servizo de todos os veciños, habilitando locais para a xuventude e para usos múltiples e mantendo os que xa hai e que están utilizando diversos colectivos deste municipio.
“Temos a seguridade de que neste verán, sexa xa unha realidade a utilización deste edificio por parte da xuventude”. “E nese obxectivo imos traballar”.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
