O parlamentario do PP Balseiro interpela a Xunta sobre a apertura do porto de Alcoa
NOTA INFORMATIVA
O COMPROMISO DA ANTERIOR XUNTA BIPARTITA CON RESPECTO Á APERTURA DO DIQUE NORTE DE ALCOA SERÁ OBXECTO DE ANÁLISE NO PARLAMENTO DE GALICIA A INSTANCIA DO DEPUTADO BALSEIRO
Xunto remito a iniciativa rexistrada polo Grupo Parlamentario Popular, a instancia do seu Deputado José Manuel Balseiro Orol no seo da Cámara autonómica.
Nela o deputado popular se interesa polas xestións desenvolvidas polo anterior Goberno bipartito de Galicia co obxecto de apoiar diante do Goberno central as negociacións oportunas coa multinacional ALCOA para facer posible a apertura do dique norte de Morás ao tráfico xeral comercial
Inclúo tamén unha pregunta máis ampla que se desenvolverá en Comisión, xa que alí o regulamento habilita aos deputados a realizar máis dunha interpelación.
A devandita iniciativa forma parte da ofensiva iniciada polo PP da Mariña co obxecto de lograr que o Ministerio de Fomento non desbote a posibilidade de conseguir un novo porto comercial na Mariña lucense, así como tamén, e dun xeito especial, verificar as xestións e o compromiso dos anteriores xestores da Xunta, de PSOE e BNG, con este obxectivo.
Balseiro sospeita que nin nacionalistas nin socialistas cumpriron axeitadamente o mandato parlamentario que obrigaba á Xunta a iniciar as xestións oportunas para que o Goberno de Zapatero non esquecera levar adiante esta actuación.
INICIATIVA
Á Mesa do Parlamento
José Manuel Balseiro Orol, deputado do Grupo Parlamentario Popular de Galicia, ao abeiro do disposto no artigo 152 e concordantes do Regulamento da Cámara presenta, ante esa mesa, as seguinte pregunta para a súa resposta oral en Pleno.
O 16 de abril de 2008, a Comisión de Ordenación Territorial, Obras Públicas, Medio Ambiente e Servizos do Parlamento de Galicia acordou, a proposta do Partido Popular, e co respaldo unánime das tres forzas políticas, que a Xunta de Galicia apoie expresamente diante do Goberno central o inicio das negociacións oportunas co grupo Alcoa para abrir ao tráfico xeral o porto comercial de San Cibrao (Lugo)
O presente acordo tiña por obxecto promover a implicación do Goberno galego na consecución dunha reivindicación que ten a súa orixe na vontade maioritaria do conxunto da sociedade da Mariña lucense, e o respaldo incondicional dos axentes sociais da zona: sindicatos e organizacións empresariais.
Ninguén pon en dúbida que esta nova infraestructura traería consigo unha maior dinamización socioeconómica da Mariña lucense e, por extensión, do conxunto desta provincia. Ademais diso, contribuiría a ser un punto de atracción de novas empresas e, por ende, de novas oportunidades laborais e de progreso. A situación estratéxica deste novo porto comercial permitiría tamén abaratar os gastos de transporte e loxística de gran parte do sector industrial que opera na zona (industrias da madeira, pasta de papel, peixe conxelado,…) que, na actualidade, vense na obriga de empregar outros portos comerciais, como son os de Xixón, A Coruña ou Vigo.
A día de hoxe, a multinacional Alcoa, está explotando en réxime de concesión o porto comercial de San Cibrao, dependente da autoridade portuaria Ferrol-San Cibrao. Dita concesión remata no ano 2.023. Esta multinacional só emprega o dique sur, podéndose adaptar polo tanto o dique norte para abrir ao tráfico comercial xeral. Falamos polo tanto, dunha infraestrutura que xa está construída –o dique de Morás- e que cun mínimo investimento, resultaría plenamente axeitada para este novo uso.
A maiores de todo iso, cabe subliñar, que o importante volume de recadación da Autoridade Portuaria Ferrol-San Cibrao, e unha redistribución equitativa dos recursos alí xerados, permitiría que esta actuación puidera financiarse, en curto-medio prazo, con fondos propios. Elemento sen dúbida a considerar, por parte da Administración central, que ata o momento non ten demostrado a vontade manifesta de cumprir o devandito acordo parlamentario.
A reclamación da apertura do dique norte de Alcoa, despois de iniciadas as negociacións oportunas por parte do Ministerio de Fomento coa multinacional concesionaria, dispón a maiores de múltiples pronunciamentos favorables de distintas institucións do ámbito de decisión público. Concellos, a Deputación Provincial e as propias Cortes Xerais, teñen expresada a vontade unánime de traballar de cara á consecución deste obxectivo.
Pasado un tempo máis que prudencial respecto da data na que tivo lugar a adopción do acordo parlamentario ao que estamos a facer referencia –abril de 2008- corresponde desenvolver unha iniciativa de control á acción do Goberno galego, co fin de coñecer as xestións desenvoltas desde o Executivo autonómico para facer realidade o devandito acordo.
É polo que, o Grupo Parlamentario Popular formula a seguinte pregunta:
1.-) ¿Cales foron as xestións desenvolvidas polo anterior Executivo autonómico co obxecto de facer efectivo o devandito acordo parlamentario no que se instaba á Xunta de Galicia a apoiar o inicio das negociacións oportunas entre o Goberno central e a multinacional Alcoa para abrir ao tráfico xeral o porto comercial de San Cibrao?
Pazo do Parlamento, a 30 de abril de 2009
INICIATIVA
Á Mesa do Parlamento
José Manuel Balseiro Orol deputado do Grupo Parlamentario Popular de Galicia, ao abeiro do disposto no artigo 152 do Regulamento da Cámara presenta, ante esa mesa, a seguinte pregunta para a súa resposta oral en Comisión.
O 16 de abril de 2008, a Comisión de Ordenación Territorial, Obras Públicas, Medio Ambiente e Servizos do Parlamento de Galicia acordou, a proposta do Partido Popular, e co respaldo unánime das tres forzas políticas, que a Xunta de Galicia apoie expresamente diante do Goberno central o inicio das negociacións oportunas co grupo Alcoa para abrir ao tráfico xeral o porto comercial de San Cibrao (Lugo)
O presente acordo tiña por obxecto promover a implicación do Goberno galego na consecución dunha reivindicación que ten a súa orixe na vontade maioritaria do conxunto da sociedade da Mariña lucense, e o respaldo incondicional dos axentes sociais da zona: sindicatos e organizacións empresariais.
Ninguén pon en dúbida que esta nova infraestructura traería consigo unha maior dinamización socioeconómica da Mariña lucense e, por extensión, do conxunto desta provincia. Ademais diso, contribuiría a ser un punto de atracción de novas empresas e, por ende, de novas oportunidades laborais e de progreso. A situación estratéxica deste novo porto comercial permitiría tamén abaratar os gastos de transporte e loxística de gran parte do sector industrial que opera na zona (industrias da madeira, pasta de papel, peixe conxelado,…) que, na actualidade, vense na obriga de empregar outros portos comerciais, como son os de Xixón, A Coruña ou Vigo.
A día de hoxe, a multinacional Alcoa, está explotando en réxime de concesión o porto comercial de San Cibrao, dependente da autoridade portuaria Ferrol-San Cibrao. Dita concesión remata no ano 2.023. Esta multinacional só emprega o dique sur, podéndose adaptar polo tanto o dique norte para abrir ao tráfico comercial xeral. Falamos polo tanto, dunha infraestrutura que xa está construída –o dique de Morás- e que cun mínimo investimento, resultaría plenamente axeitada para este novo uso.
A maiores de todo iso, cabe subliñar, que o importante volume de recadación da Autoridade Portuaria Ferrol-San Cibrao, e unha redistribución equitativa dos recursos alí xerados, permitiría que esta actuación puidera financiarse, en curto-medio prazo, con fondos propios. Elemento sen dúbida a considerar, por parte da Administración central, que ata o momento non ten demostrado a vontade manifesta de cumprir o devandito acordo parlamentario.
A reclamación da apertura do dique norte de Alcoa, despois de iniciadas as negociacións oportunas por parte do Ministerio de Fomento coa multinacional concesionaria, dispón a maiores de múltiples pronunciamentos favorables de distintas institucións do ámbito de decisión público. Concellos, a Deputación Provincial e as propias Cortes Xerais, teñen expresada a vontade unánime de traballar de cara á consecución deste obxectivo.
Pasado un tempo máis que prudencial respecto da data na que tivo lugar a adopción do acordo parlamentario ao que estamos a facer referencia –abril de 2008- corresponde desenvolver unha iniciativa de control á acción do Goberno galego, co fin de coñecer as xestións desenvoltas desde o Executivo autonómico para facer realidade o devandito acordo.
É polo que, o Grupo Parlamentario Popular formula as seguintes preguntas:
1.-) ¿Cales foron as xestións desenvolvidas polo anterior Executivo autonómico co obxecto de apoiar o inicio das negociacións oportunas entre o Goberno central e a multinacional Alcoa, para abrir ao tráfico xeral o porto comercial de San Cibrao?
2.-) De levarse adiante algún tipo de iniciativa con este obxecto ¿En que data tiveron lugar as devanditas xestións? ¿con que resultado?
3.-) ¿Ten constancia a Xunta de Galicia das múltiples vantaxes que traería consigo dispoñer desta nova infraestrutura comercial e portuaria e, de xeito especial, como elemento de dinamización socioeconómica da Mariña e do conxunto da provincia lucense?
4.-) De verificarse a falta de vontade do Goberno central á hora de levar adiante a apertura do dique de Morás, ao tráfico comercial xeral ¿que xestións ten previsto desenvolver a Xunta de Galicia co obxecto de reclamar que se poida levar adiante esta nova infraestrutura?
Pazo do Parlamento, a 30 de abril de 2009
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.