RIBADEO (FNC) .- O alcalde de Ribadeo, Fernando Suárez, desminte “as declaracións efectuadas nas últimas horas nas que algúns voceiros da oposición aseguraban que Begasa pode dar perfectamente subministro de enerxía ao polígono industrial sen ter en conta á liña desta subestación”.
O rexedor engade que “aporto o protocolo asinado o 31 de xullo de 2008 para facer este desmentido. O espírito dese protocolo é que Begasa non ten inconveniente e non vai poñer ningún problema en dar subministro eléctrico para o que ten que ver coa construción do polígono. E eu quero dicir e podo ir máis aló, e quizais o diga sin telo contrastado coa propia Begasa, que quizais nos primeiros momentos de funcionamento do polígono, xa que non sei vai encher en tres meses senón que lle levará un tempo, pois quizais sí que Ribadeo teña capacidade enerxética para dar subministro aos primeiros momentos de vida deste polígono industrial”. Fernando Suárez sinala que “non así cando se vaia enchendo de empresas, para eso sí que ten que estar operativa a subestación eléctrica, e esto podo dicilo eu, porque eu sí que estiven presente como non podía ser doutra maneira, en tódalas reunións a múltiples bandas entre a Consellería de Industria, Sepes e Begasa e no seu momento asinada e refrendada pola súa titular E.ON”.
A estipulación quinta dese protocolo asinado o 31 de xullo de 2008, entre o Concello, a Consellería de Insdustria, Sepes e Begasa di así: “O calendario previsto inicialmente axustarase á obtención dos permisos e autorizacións necesarias. Non obstante, BEGASA comprométese a garantir a subministración eléctrica ao parque empresarial de Ribadeo, á finalización das súas obras de urbanización, sempre e cando os prazos de execución da construción da LAT aérea e a subestación non se demoren por causas alleas a BEGASA. No caso de que tal circunstancia se producise, BEGASA procurará facilitar unha solución provisional de forma que poida garantirse polo menos a subministración eléctrica da obra durante a edificación das naves”.
O rexedor asegura que “algúns portavoces da oposición por desgastar ao goberno e por desgastar ao alcalde están convertendo este asunto nun auténtico culebrón de telenovela. Eu non sei quen é o héroe e quen é o villano, pero desde logo que están tendo todos os papeis para seren os villanos nesta telenovela que están montando”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
